यॊहनस 6:33 - पुना गच्छरना NT (BSI)

³³ एन्‍देरगेका धर्मेसी असमा ईद हवे का, एकास मेर्ख़ा ती इत्तियस ती ख़ॆख़ेल ता आलर गे उज्‍जना चि'अदस।”

यॊहनस 6:33 ပူးပေါင်းရင်းမြစ်များ

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 6:32

ख़ने येसुस आरिन बाचस, “ऎन निमन मानिम ब'अदन, मूसस निमा मेर्ख़ा ती असमा मल चिच्काचस। एम्‍बस दिम निमा मेर्ख़ा ती मानिम असमन चि'अदस।

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:41

फेन यहूदीर आसी मइय्याँ कुड़कुड़र'आ हेलरर। एन्‍देरगेका येसुस “ऎन दिम मेर्ख़ा ती इत्तका असमा हिकदन” एन्ने बाचस।

यॊहनस 6:48

ऎन दिम उज्‍जना चि'ऊ असमा हिकदन।

यॊहनस 6:50

ईद मेर्ख़ा ती इत्तका असमा हवे। एकास इदन मॊख़दस, आस इकला हूँ मल खे'अदस।

यॊहनस 6:58

ईदिम मेर्ख़ा ती इत्तका असमा हवे। ईद आ असमा लेक्‍खा मल्‍ली, एकदन निम्‍है पूरखर मोक्‍काचर। आर गा केच्‍चर केरर, लिकिन नॆ ई असमन मॊख़ोस, आस जनमजुग उज्‍जोस।”

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।