यॊहनस 6:30 - पुना गच्छरना NT (BSI)

³⁰ ख़ने आ आलर आसिन मेंजर, “होले नीन एमा एका अजगुत नलख ही चिन्‍हन ऎद'ओय का अदिन ऎम ऎरोम ती निंगन पत्त'आ ओंग्‍दम? नीन एन्‍देर ननोय?

यॊहनस 6:30 ပူးပေါင်းရင်းမြစ်များ

मरकुस 15:32

इस्राऎल ही बॆलस ई मसीस अक्‍कु क्रुस म‍इय्‍याँ ती एत्तोस बर'ओस होले, ऎम अदन ऎररकी पत्त'ओम।” अरा डाकू आलर नॆ आस गने क्रुस नू ठोकरकाचर आर हूँ येसुसिन भेंसड़ाचर।

मरकुस 8:11

असन जोक्‍क फरिसीर येसुस गुसन बर'अरकी कत्‍था बरता नना हेलरर। अरा आसिन बझाब'आ गे मेर्ख़ा ती इन्द्रिइम अकबक नलख ही चिन्‍हा नॆचर।

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 2:18

ख़ने यहूदी मुद्धर येसुसिन मेंजर, “इबड़ा कत्‍थन नीन नना गे निंगा एन्‍देर अदिया र'ई? निंगा इदगे धर्मेस ती अदिया र'ई होले, इदन पुरुब नना गे एमा ओन्‍टा अजगुत नलख ही चिन्‍हा ऎद'आ।”

यॊहनस 6:14

येसुसी ई अजगुत नलख ही चिन्‍हन ईरियर ख़ने, आर ब'आ हेलरर, “मानिम ईस ख़ॆख़ेल नू बर'ऊ रहचस आ धर्मेसी कत्‍था तिंगुस हिकदस।”

यॊहनस 6:2

ओन्‍टा कोहाँ गोंहड़ा आसी ख़ॊख़ा कालिया, एन्‍देरगेका आस रोगियारिन कोड़े नंजस ती अजगुत नलख ही चिन्‍हा ऎदकाचस, अदिन आर ईरका रहचर।

यॊहनस 6:36

ऎन निमन मुन्‍द तिंकादन का नीम एंगन ईरकादर, अन्नु हूँ एंगन मल पत्त'अदर।

त‍इरकर 4:30

नीन निंग्‍है कोहाँ सवंग आबोन ऎद'आ, एकाबारी ऎम निंग्‍है नेम्‍हा जॊंख़स येसुसी नामे ती आलारिन उजग'ओम अरा चिन्‍हा अरा अजगुत नलख गुट्ठी ननोम।”

1 कोरिन्‍थ 1:22

यहूदीर गा चिन्‍हा गुट्ठिन बेद्दनर अरा नन-यहूदीर लूरन बेद्दनर।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।