यॊहनस 6:29 - पुना गच्छरना NT (BSI)

²⁹ येसुस आनाकिर्ताचस, “ई ओन्‍टा नलखन दिम नीम नना गे धर्मेस बेद्ददस का, नॆकन आस तइय्‍कादस आसिन पत्त'आ।”

यॊहनस 6:29 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

यॊहनस 6:28

अबड़र आसिन बाचर, “एन्‍देर एन्‍देर ऎम नना गे धर्मेस बेद्ददस?”

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:57

उज्‍जना चि'ऊ बंगस एंगन तइय्‍कादस, अरा बंगासी चड्डे दिम ऎन उज्‍जदन। अन्नेम नॆ एंगन मॊख़दस, आस गे एंग्‍है ती उज्‍जना ख़क्‍ख्र'ओ।

त‍इरकर 16:31

आर बाचर, “नीन उर्बा येसुसिन पत्त'आ होले, नीन अरा निंग्‍है एड़पातर नाड़र'ओर।”

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

याकॊब 2:22

नीन ऎरदय का आसी पत्त'अना आसी नलख गुट्ठी ही गने गने नलख नंजा। अरा आसी नंजका नलख गुट्ठी ती आसी पत्त'अना पखड़ मंजा।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

दहदर मंजका कत्‍था 2:26

अरा एकास जितदस ती मुंज्रना गूटी एंगन मन्दस, आस गे ऎन एकासे एम्‍बस गुस्‍ते अदिया ख़क्‍खकादन अन्नेम जाती जाती ही मइय्याँ अदिया चि'ओन। अरा आस पूरा अदिया ती आरिन राजी ननोस, अरा आस आरिन ख़ज्‍जो ही संजगी गुट्ठी लेक्खा ख़ोट्टोस चि'ओस। अरा ऎन आस गे बिज-बीनकोन चि'ओन।