यॊहनस 6:2 - पुना गच्छरना NT (BSI)

² ओन्‍टा कोहाँ गोंहड़ा आसी ख़ॊख़ा कालिया, एन्‍देरगेका आस रोगियारिन कोड़े नंजस ती अजगुत नलख ही चिन्‍हा ऎदकाचस, अदिन आर ईरका रहचर।

यॊहनस 6:2 ပူးပေါင်းရင်းမြစ်များ

मत्तायोस 12:15

इदिन अक्‍खस ती येसुस असले किर्रिम बिच्‍चियस, अरा कोड़हे आलर आसी ख़ॊख़ा गुड़ियारर अरा आस आर नू ती बेमरहा ओर्मारिन कोड़े नंजस।

मत्तायोस 13:2

अरा आसी गुसन कोहाँ गोंहड़ा ई कोड़हे खोपरा केरा का आस ओन्‍टा डोंगा नू अर्गियस ती उक्‍कियस केरस। अरा गोट्टा गोंहड़ा पिंडी नू रहचा।

मत्तायोस 14:14

आस अंड़सियस ती डोंगा ती इत्तियस ती कोहँम गोंहड़न ईरियस अरा आरिन सोग्‍गे ईरियस अरा आर ही रोगेन कोड़े नंजस।

मत्तायोस 8:1

येसुस परता ती इत्तियस ख़ने कोहाँ गोंहड़ा गुट्ठी आसी गने गुड़ियारा।

मरकुस 1:45

लिकिन आस तंगन येसुस एकासे कोड़े नंजस अदन नगदे आलारिन तेंगा हेलरस। ई चड्डे येसुस आलर ही ऎथ्रना नू एकअम नगरे नू काला पोल्‍लस, एन्‍देरगेका कोहाँ गोंहड़ा ख़ॊंड़रा। औंगे आस नगरे ही बहरी उछिन्‍द अड्डा नू रहचस। अन्नु हूँ ओनबेंड़र'आ ती आलर आसी गुसन बर'आलियर।

मरकुस 6:33

लिकिन बग्‍गे आलर आर ही कानन ईरियर ती आरिन चिन्‍हचर अरा अक्‍खर का येसुस अरा आसी चेलर एक्सन कालनर। अरा आर हेद्दे हेद्दे ता उर्मी पद्दा ती ख़ॊंड़ररकी आर ती मुन्‍द असन बोंग अंड़सियर।

यॊहनस 11:47

ख़ने मुध नैगर अरा फरिसीर यहूदीर ही कोहाँ सभा आबोन मीख़ियर ती बाचर, “नाम एन्‍देर ननोत? ई आलस गा कोड़हे अजगुत नलख ही चिन्‍हन ऎद्ददस।

यॊहनस 12:18

बग्‍गे आलर आस ई लेक्‍खा ओन्‍टा अजगुत नलख नंजका रहचस एन्ने मेंजर ती, आसिन भेंट नना गे केरर।

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 2:23

येसुस कट्टना परब बारी येरुसलॆम नू रहचस ख़ने, ढ़ॆर आलर आसी ती मंजका अजगुत नलख ही चिन्‍हा गुट्ठिन ईरियर ती आसी नू पत्ताचर।

यॊहनस 20:30

येसुस तंग्‍है चेलर ही मुन्‍दहारे अउरिम नगदे अजगुत नलख नंजस, अबड़ा ई पुथी नू मल लिख्रकी र'ई।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 6:14

येसुसी ई अजगुत नलख ही चिन्‍हन ईरियर ख़ने, आर ब'आ हेलरर, “मानिम ईस ख़ॆख़ेल नू बर'ऊ रहचस आ धर्मेसी कत्‍था तिंगुस हिकदस।”

यॊहनस 6:22

दोसर उल्‍ला नॆ समुदर आ फड़ा रहचर, आर अक्‍खर का असन ओन्‍टे लेका डोंगा रहचा, अरा येसुस आ डोंगा नू मल अरगकाचस, आसी चेलर ताम लेका किर्रिम बिच्‍चकाचर।

यॊहनस 6:26

येसुस आनाकिर्ताचस, “ऎन निमन मानिम ब'अदन, नीम अजगुत नलख ही चिन्‍हन ईरका ती मला, लिकिन नीम उड़ुच लिंघ'आ असमा मोक्‍का चड्डे नीम एंगन बेद्ददर।

यॊहनस 6:30

ख़ने आ आलर आसिन मेंजर, “होले नीन एमा एका अजगुत नलख ही चिन्‍हन ऎद'ओय का अदिन ऎम ऎरोम ती निंगन पत्त'आ ओंग्‍दम? नीन एन्‍देर ननोय?