यॊहनस 6:12 - पुना गच्छरना NT (BSI)

¹² आर उड़चर केरर ख़ने, आस चेलारिन बाचस, “बछ्रका कुटकन सकल'आ का ओन्‍टा हूँ अम्‍बो नठार'आ।”

यॊहनस 6:12 ပူးပေါင်းရင်းမြစ်များ

लू‍कस 1:53

आस कीड़ारिन दौ जिनिस ती उड़ताचस, अरा उरुब आलारिन नीदी ख़ेक्खा ओथ्रस चिच्‍चस।

लू‍कस 15:13

जोक्‍क उल्‍ला हूँ मल मंजा, सन्नी ख़द्दस तंग्‍है उर्मिन जॊगड़स ती गेच्‍छा राजी केरस। अरा असन मलदौ उज्‍जना ती तंग्‍है खुर्जिन नठाबाचस।

लू‍कस 16:1

फिन येसुस तंग्‍है चेलारिन ई जोक्‍खा ख़ीरिन हूँ बाचस, “ओन्‍टा उरुब आलस रहचस, आसी ओर्त ईरु-ख़ूजू रहचस। अरा आलर उरुबस गुसन कालरकी आ ईरु-खूजू म‍इय्याँ बदी ठेकाबाचर का आस निंग्‍है खुर्जिन बुड़ाब'आ चि'आलदस।

लू‍कस 9:17

ख़ने ओर्मर मोक्‍खर ती उड़चर केरर अरा एंगरका कुटकन बारा डउड़ा निन्‍दर।

यॊहनस 2:2

येसुस अरा आसी चेलर हूँ आ बेंजा नू एड़रका रहचर।