यॊहनस 5:42 - पुना गच्छरना NT (BSI)

⁴² एन्‍देरगेका ऎन निम्‍है पत्त नू अख़दन का निम्‍है नू धर्मेसी चोन्‍हा मल र'ई।

यॊहनस 5:42 ပူးပေါင်းရင်းမြစ်များ

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

यॊहनस 2:25

आस गे चाड़ मल रहचा का नीकईम आसिन आलर ही पत्त नू तेंगोर, एन्‍देरगेका आस तानिम अक्‍खस का आलर ही जिया नू एन्‍देर र'ई।

यॊहनस 21:17

येसुस आसिन तिसर हॆल मेंजस, “अना सिमॊन, यॊहनसी ख़द्दायो! नीन एंगन चोन्‍हा नन्‍दय का?” तिसर हॆल हूँ “नीन एंगन चोन्‍हा नन्‍दय का?” एन्ने येसुस मेंजका ती पतरस दुक्‍खे मंजस। आस येसुसिन बाचस, “अना उर्बायो! नीन गा उर्मिन अख़दय। नीन इदन हूँ अख़दय का निंगन ऎन चोन्‍हा नन्‍दन।” येसुस आसिन बाचस, “नीन एंग्‍है भेंडो गुट्ठिन ओन्‍त'आ।

यॊहनस 5:41

ऎन आलर ती बरना ओहमन मल बेद्ददन।

यॊहनस 5:43

ऎन एम्‍बासी नामे ती बरचकादन, लिकिन नीम एंगन मल इंझ्रदर। नन्नस ओर्तस तंग्‍है नामे ती बरदस होले, आसिन नीम इंझर'ओर।

यॊहनस 5:44

नीम गा निम्‍है नू ओर्त ओर्तोस ती ओहमन ख़क्‍खा गे बेद्ददर। लिकिन नीम ओर्त लेका धर्मेस ती बरना ओहमन ख़क्‍खा गे मल बेद्ददर। होले नीम एकासे पत्त'आ ओंगोर?

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

यॊहनस 8:47

एकास धर्मेसी आलस र'अदस, आस धर्मेसी कत्‍थन मेन्‍दस। नीम इदगे मल मेन्‍दर का नीम धर्मेसी आलर मलदर।”

यॊहनस 8:55

अरा नीम आसिन मानिम नू बलकर, लिकिन ऎन आसिन अख़दन। अन्नु हूँ ऎन आसिन बलदन ब'ओन होले, ऎन हूँ निम्‍है लेक्‍खा ठकवा मनोन। लिकिन ऎन आसिन अख़दन, अरा आसी कत्‍थन पॆस्रदन।

रोमी 8:7

एन्‍देरगेका इकला आलर ही मने पाप मॆद सुबहा ही तबे नू र'ई, आर धर्मेसी बिड़दो नू र'अनर। आर धर्मेसी नॆग आबोन मल पॆस्रनर, अरा पॆस्र'आ हूँ पोलनर।

1 यॊहन 2:15

नीम ई ख़ॆख़ेल ती मलता ई ख़ॆख़ेल ता आलॊ गुट्ठी ती चोन्हा अमके नना। एकास ख़ॆख़ेल ती चोन्हा नन्दस आस नू धर्मे बंगासी चोन्हा मलकी।

1 यॊहन 3:17

एकअम आलस ई ख़ॆख़ेल ता धन खुर्जी र'ऊ र'अना ती तंग्है संगे मसी भईस चाड़ नू र'अनन ईरका ती हूँ, आस आसी मइय्याँ सोग्गे मल ऎरदस होले, ईद इदन सेब्बा ईद'ई का आस नू धर्मेसी चोन्हा मलकी।

1 यॊहन 4:20

एकअम ओर्तस “ऎन धर्मेसिन चोन्हा नन्दन” ब'अदस, लिकिन तंग्है संगे मसी भईसिन ख़ाँड़दस होले, आस ठक'उस र'अदस। एन्देरगेका तान ईरका तंग्है संगे मसी भईसिन चोन्हा मल ननुस, तान मल ईरका धर्मेसिन चोन्हा नना पोलदस।

दहदर मंजका कत्‍था 2:23

अरा ऎन अदही गने चॊंख़्र'उरिन पिटोन। होले उर्मी कलीसिया गुट्ठी अख़'ओ का जिया अरा मन गुट्ठी ही बिढ़'ऊ ऎनिम हिकदन। अरा ऎन नीम ओर्त ओर्त गे नीम नंजका नलख गुट्ठी ही लेक्खम किर्रत'ओन चि'ओन।