यॊहनस 5:40 - पुना गच्छरना NT (BSI)

⁴⁰ अन्नु हूँ आ उज्‍जनन ख़क्‍खा गे नीम एंग्‍है गुसन मल बरदर।

यॊहनस 5:40 ပူးပေါင်းရင်းမြစ်များ

मत्तायोस 22:3

अरा इकला बेंजा मंडी सराजमा मंजका ख़ने, आस तंग्‍है जॊंख़ारिन एड्डका आलारिन बेंजा नू मॆख़'आ गे तइय्यस। आर बर'आ मल बिद्दियर।

मत्तायोस 23:37

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

यॊहनस 1:11

आस तंग्‍है आलर गुसन बरचस, अन्नु हूँ तंग्‍है आलर आसिन मल इंझ्रर।

यॊहनस 10:10

ख़लबस गा ख़ड़'आ पिटा अरा नठाब'आ गे बरदस। लिकिन ऎन आर उज्‍जनन ख़क्‍खा गे अरा आ उज्‍जनन अख लगय ख़क्‍खा गे बरचकन।

यॊहनस 3:19

आर गे दंडे ही नेंव‍ई ही चड्डे ईद दिम का, बिल्‍ली ख़ॆख़ेल नू बरचा, लिकिन आलर बिल्‍ली ती कोड़हे ऊख़न पत्तारर, एन्‍देरगेका आर ही नलख गुट्ठी मलदौ रहचा।

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

यॊहनस 5:41

ऎन आलर ती बरना ओहमन मल बेद्ददन।

यॊहनस 5:44

नीम गा निम्‍है नू ओर्त ओर्तोस ती ओहमन ख़क्‍खा गे बेद्ददर। लिकिन नीम ओर्त लेका धर्मेस ती बरना ओहमन ख़क्‍खा गे मल बेद्ददर। होले नीम एकासे पत्त'आ ओंगोर?

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।