यॊहनस 5:30 - पुना गच्छरना NT (BSI)

³⁰ ऎन एंग्‍है मने लेक्‍खा एन्‍देर हूँ नना पोलदन। धर्मे बंगस ब'अना लेक्‍खम दिम ऎन नेंव‍ई नन्दन। अरा एंग्‍है नेंवई नन्‍ना उजगो र'ई, एन्‍देरगेका ऎन एंगा पत्तार'आ गे मला, एंगन त‍इय्‍का एम्‍बासिन पत्तार'आ गे बेद्ददन।

यॊहनस 5:30 ပူးပေါင်းရင်းမြစ်များ

मत्तायोस 26:39

अरा आस कटी गुना मुन्‍द केरस। अरा आस ख़ॆख़ेल नू मुही पाब खत्रस ती बिन्‍ती नंजस, “एंग्‍है बंगायो, मना ओंगो होले, ई खिलपत एंगा अम्‍बो मना। लिकिन एंग्‍है मने लेक्‍खा मला, निंग्‍है मने लेक्‍खा मनन।”

यॊहनस 14:10

एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 17:4

नीन एंगा नना गे चिच्का नलखन नंजकन मुंजकन ती, ऎन इय्या ख़ॆख़ेल नू निंग्‍है महबन दहदर नंजकन।

यॊहनस 18:11

ख़ने येसुस पतरसिन बाचस, “निंग्‍है तलवारन खाप नू उइय्या। एम्‍बस एंगा चिच्का सस्‍ती ही डुबहा ती एंगा ओन्ना दिम र'ई।”

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 8:28

ख़ने येसुस आरिन बाचस, “एकाबारी नीम मनवा ख़द्द एंगन म‍इय्याँ अरगत'ओर, आ बारी अख़'ओर का ऎन आसिम हिकदन नॆ बर'ऊ रहचस। अरा ऎन ऎनिम एन्‍देर हूँ मल नन्‍दन, लिकिन एन्द्रन एम्‍बस एंगन सिखाबाचस, अदन दिम ऎन निमन ब'अदन एन्ने हूँ अख़'ओर।

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

यॊहनस 8:50

ऎन एंगा गे म‍ईन मल बेद्ददन, लिकिन एंगा गे अदन बिद्दू ओर्तोस र'अस, आसिम नेंवई ननू र'अदस।

रोमी 15:3

मसीस हूँ तान तंगानिम रिझ्रनुम मल उज्‍जियस, एकासे का नेम्‍हा पुथी नू लिख्रकी र'ई, “निंग्‍है निंदा ननुर ही निंदा एंग्‍है म‍इय्याँ बरचिम बिच्‍चिया।”

रोमी 2:2

नाम अख़दत का एन्ने मलदौ नलख ननुर म‍इय्याँ धर्मेस ठौका दंडे चि'ओस।

रोमी 2:5

लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।