यॊहनस 5:20 - पुना गच्छरना NT (BSI)

²⁰ एम्‍बस गा एंगन चोन्‍हा नन्‍दस, अरा आस एन्‍देर एन्‍देर नन्‍दस अबड़ा उर्मिन एंगा ऎद्ददस। आस इबड़ा ती अउर कोहाँ नलख गुट्ठिन हूँ एंगा ऎद'ओस। होले नीम अनचकर'ओर।

यॊहनस 5:20 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

मत्तायोस 4:8

तहाँ नाद येसुसिन नगदे मेच्‍छा परता नू कड़हाबाचा अरा ख़ॆख़ेल ता सौंसे राजी गुट्ठिन अरा अब़डा ही महबन ऎदा,

लू‍कस 10:22

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।”

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 10:32

लिकिन येसुस आरिन बाचस, “ऎन एम्‍बस तरती कैनो गोटंग कोड़हे अजगुत नलख गुट्ठिन निमा गे ऎदकन। अबड़ा ती एका नलख गे नीम एंगन लोड़ग'आ बेद्ददर?”

यॊहनस 14:12

ऎन निमन मानिमन ब'अदन, नॆ एंग्‍है मइय्याँ पत्त'अदस, आस ऎन एका नलख गुट्ठिन नंजकादन अबड़न तान हूँ ननोस। अरा ऎन बंगस गुसन कालदन ई चड्डे आस अबड़ा ती हूँ कोहाँ नलख गुट्ठिन ननोस।

यॊहनस 15:15

निमन अक्‍कुन ती ऎन जॊंख़र मल ब'ओन, एन्‍देरगेका जॊंख़स बलदस का आसी उर्बस एन्‍देर ननालदस। लिकिन निमन ऎन संगेर बाचकादन, एन्‍देरगेका ऎन एम्‍बस ती मेंजका उर्मी कत्‍थन निमन मेन्ताचका र'अदन।

यॊहनस 17:26

अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्‍है म‍इय्याँ रहचका चोन्‍हा ईर ही म‍इय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”

यॊहनस 3:35

बंगस तंग्‍दासिन चोन्‍हा नन्‍दस, अरा उर्मिन आसी ख़ेक्खा नू सोंपचकादस।

यॊहनस 5:21

एकन्ने एम्‍बस केचका आलारिन चॊद्दस ती आर गे उज्‍जना चि'अदस, अन्नेम ऎन हूँ नॆकन ऎन बेद्ददन आर गे उज्‍जना चि'अदन।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 5:29

अरा आर उज्‍जा चो'ओर। दौ नलख नंजका आलर जनमजुग उज्‍जनन ख़क्‍खा गे उज्जा चो'ओर, अरा मलदौ नलख नंजका आलर दंडे ख़क्‍खा गे उज्‍जा चो'ओर।

2 पतरस 1:17

“ईद एंग्है चोन्हा ख़द्दस, ईस ती ऎन खुसमारदन” एन्ने मसीस गे धर्मेसी कोहाँ बिल्चना महबा ती ओन्टा ब'अना मेन्द्रा ख़ने, आस धर्मे बंगस ती मईन अरा महबन ख़क्खियस।