यॊहनस 5:17 - पुना गच्छरना NT (BSI)

¹⁷ लिकिन येसुस आरिन बाचस, “एम्‍बस इन्ना गूटी बिगर ख़न्न ऎख़्रका ती नलख नना लग‍दस, अरा ऎन हूँ नलख नना लगदन।”

यॊहनस 5:17 ပူးပေါင်းရင်းမြစ်များ

मत्तायोस 10:29

एन्‍देर ऎनोटा ढिबा ती ऎंड़ गोटंग चोरो मल बीसर'ई का? अन्नु हूँ निम्‍है बंगासी बिगर मने ही ओन्‍टा हूँ ख़ॆख़ेल नू मल खत्र'ई।

यॊहनस 10:36

एंग्‍है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्‍दर का ऎन धर्मेसिन निंदा नन्‍दन?

यॊहनस 14:10

एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 5:16

इबड़ा नलख गुट्ठिन येसुस ख़न्न ऎख़्रना उल्‍ला नू नंजका ती, यहूदी मुद्धर आसिन डाहा हेलरर।

यॊहनस 5:18

औंगे यहूदीर आसिन पिटा गे अउर कोड़हे बेद्दा लगियर का आस ख़न्‍न ऎख़ना उल्‍ला ही नॆगन लेका मल चाड़ा लगियस, लिकिन धर्मेसिन तंग्‍है बंगस ब'आलियस ती तंगन धर्मेसी जोक्‍खा ननालियस।

यॊहनस 9:4

उल्‍ला उल्‍लम बारिम नाम एंग्‍है तइय्युसी नलखन नन्‍ना र'ई। माख़ा बर'आ लगी, आ बारी नॆ हूँ एन्‍देर हूँ नना पोल्‍लोर।

त‍इरकर 14:17

अन्नु हूँ आस तंग्है दौ नलख ती तंग्‍है पत्त नू गोवाह चि'अदस। आस मेर्ख़ा ती चॆप पुंइत'अदस अरा बॆस बरखा ती खितिन बने मन्‍त'अदस। अरा आस निम्‍है जियन ओन्ना-मॊख़ना अरा रिझ्रना नू निन्‍दत'अदस।”

त‍इरकर 17:28

एन्‍देरगेका नाम आसी नू उज्‍जदत अरा कुद्दत नुंगदत अरा बड़ियर र'अदत। एकासे का निम्‍है जोक्‍क डंडी लिख'उर बाचकानर, ‘ऎम गा आसी ख़द्दम हिकदम।’

1 कोरिन्‍थ 12:6

अरा धर्मेसी नलख गुट्ठी गा कैनो मदहे र'ई, लिकिन ओन्‍टेम धर्मेस उर्मी आलर नू उर्मी नलखन नन्‍दस।

कोलोस्से 1:16

एन्‍देरगेका आस तिम उर्मी आलॊ गढ़रा। मेर्ख़ा ता अरा ख़ॆख़ेल ता उर्मी, ऎथ्रना अरा मल ऎथ्रना उर्मी, बॆल-गदिया गुट्ठी मलता सवंग गुट्ठी, अक्स'उर मलता अदिया गुट्ठी उर्मी आस तिम अरा आस गेम गढ्रकी र'ई।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।