यॊहनस 4:6 - पुना गच्छरना NT (BSI)

⁶ आ ख़ल्ल नू याकॊबसी तूसा रहचा। येसुस डहरे इक्‍कियस ती ख़ड़दिकाचस, औंगे असन उक्‍कियस। ईद मलागूटी लोहाड़ी ही बेड़ा बारा बजे रहचा।

यॊहनस 4:6 ပူးပေါင်းရင်းမြစ်များ

मत्तायोस 27:45

अक्‍कु लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

मत्तायोस 4:2

अरा आस चालीस उल्‍ला अरा माख़ा उपास नंजस। इदही ख़ॊख़ा आस गे कीड़ा लग्‍गिया।

मत्तायोस 8:24

आचका समुदर नू एन्ने कोड़हे घटा चॊचा का बग्‍गे लहरा ती डोंगा मुलख़ा बेद्दा लगिया। लिकिन आ बारी येसुस ख़न्‍द्र'आलियस।

लू‍कस 9:58

लिकिन येसुस आसिन बाचस, “सिकटा गुट्ठी ही लाता र'ई, अरा ऒड़ा गुट्ठी ही खोता र'ई, लिकिन मनवा ख़द्दन एंगा गे कुक्‍कन हूँ बेड़त'आ ती ख़न्न ऎख़ा गे अड्डा मलकी।”

यॊहनस 11:9

येसुस बाचस, “उल्‍ला ही बारा घंटा मनी। एकअम ओर्तस उल्‍ला बारी ऎकोस होले, मल मूड़दस, एन्‍देरगेका ई ख़ॆख़ेल ता बिल्‍लिन ऎरदस।

यॊहनस 4:12

नीन एम्‍है पूरखस याकॊबस ती हूँ कोहँस हिकदय का? आस एमा गे ई तूसन चिच्कादस। आस तान अरा तंग्‍है ख़द्दर अरा ऒय ऎड़ा गुट्ठी इय्या ती ओन्डर।”

यॊहनस 4:5

ख़ने आस समारिया राजी ता सुख़ार नामे पद्दा नू बरचस। ई पद्दा याकॊबस तंग्‍दस यॊसॆफस गे चिच्का ख़ल्ल गुसन रहचा।

यॊहनस 4:7

येसुसी चेलर ओन्‍ना-मॊख़ना ख़ॆन्‍दा गे पद्दा नू केरका रहचर। आ बारी ओन्‍टा समारिया ता आली अम्मु ओन्‍द्र'आ बरचा। येसुस अदिन बाचस, “एंगा अम्मु ओना गे चि'ई।”

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।