42 अरा आर आ आलिन बाचर, “ऎम आसिन पत्ताचकम, निंग्है बाचका ती लेका मला, अक्कुन ऎमिम मेंजकम अरा अक्कम होच्चकम मानिम नू ईसिम गोट्टा ख़ॆख़ेल ही नाड़ुस हिकदस।”
आद ख़द्द पाको अरा नीन आसी येसु नामे पिंजके, एन्देरगेका आस तंग्है आलारिन तम्है पाप गुट्ठी ती नाड़ोस।”
ईस नन-यहूदीर गे धर्मेसिन दहदर नन्ना ही बिल्ली अरा निंग्है निज आलर इस्राऎल गे महबा आबोन ओन्द्र'ओस।”
दोसर उल्ला यॊहनस येसुसिन तंग्है तरा बरना ईरयस ती बाचस, “ऎरा, ईस धर्मेसी भेंडो ख़द्दो, ईस दिम सौंसार ही पापन ओथ्र'ओस।
असन अंड़सका ख़ॊख़ा येसुस अक्खस का लाजरसिन मसड़ा नू मंडका चार उल्ला मंजा केरा।
एन्देरगेका नीन एंगा चिच्का कत्था गुट्ठिन ऎन आर गे चिच्कन, अरा आर अबड़न इंझ्रर। अरा ऎन निंग्है गुस्ते बरचकादन, एन्ने मानिम ती अक्खर ती नीनिम एंगन तइय्कय, एन्ने पत्त'अनर।
“बरा, एंग्है नंजका उर्मी कत्थन एंगा तिंका ओर्त आलासिन ऎरा! आस मसीस र'ओस दने का?”
ढ़ॆर बग्गे आलर आसी कत्थन मेंजर ती आसिन पत्ताचर।
धर्मेस तंग्है गच्छरका लेक्खा आ दाऊदसी बनस तिम इस्राऎल गे ओन्टा बछाब'उस येसुसिन इजताचस।
आसिन अम्बरकी एकअम नन्नर ती नाड़रना मलकी। एन्देरगेका गोट्टा ख़ॆख़ेल नू आलर गे येसु नामे ती नन्ना नामे मल्ला चीरका का अत्रु नम्है नाड़रना मना ओंगो।”
धर्मेस दिम आसिन उर्बस अरा बछाब'ऊ नंजस ती तंग्है तीना चोक्ख मईन ही अड्डन चिच्चस, एकत्रु का आस इस्राऎल आलर गे जिया किर्त'अना अरा पाप छमा चि'ओस।
ईद एन्ने हिके का धर्मेस ख़ॆख़ेल ता ओर्मा आल जातियर ही अक्का-बलका गुट्ठिन मल गन'अरकी आरिन मसीस नू तंग्है गने मेसाबाचस ती ई मेसाब'अना ही कत्थन एमा सोंपचकादस।
ओर्मर गे कोड़हे गा आसिन पत्त'उर गे बछाब'ऊ उज्जना धर्मेस मइय्याँ नम्है असरा र'ई। इदगेम नाम चिहुट अरा तिहा नन्तेम र'अदत।
अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।
अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।
अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।