यॊहनस 4:38 - पुना गच्छरना NT (BSI)

³⁸ एका अइय्या नीम मल चाँख़कर, अइय्या ऎन निमन ख़ॊया गे तइय्‍कन। नन्नर अइय्या तम्‍है नलखन नंज ख़च्चिकाचर, अरा आर ही अर्जाचका ख़ंजपन नीम ख़ोय'ओर।”

यॊहनस 4:38 ပူးပေါင်းရင်းမြစ်များ

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

यॊहनस 1:7

आस आ बिल्‍ली ही पत्त नू गोवाह चि'आ गे ओन्‍टा गोवाह लेक्‍खा बरचस, औंगे ओर्मर आस ती पत्त'आ ओंगोर नेकअन।

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 4:37

इसन ई ब'अना ठौका जोक्‍खा उक्‍की, ‘ओर्त आलस चाँख़दस अरा नन्‍ना आलस ख़ोयदस।’

यॊहनस 4:39

एंग्‍है नंजका उर्मी कत्‍थन आस एंगा तिंग्‍गियस, एन्ने आ आली चिच्का गोवाह ती, आ पद्दा ता बग्‍गे समारिया ता आलर येसुसिन पत्ताचर।

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 4:32

पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

त‍इरकर 4:4

लिकिन नॆ आर ही तेंगनन मेंजका रहचर, अत्रु ढ़ॆर आलर पत्ताचर। अक्‍कु मलागूटी मॆतर पाँच हजार पत्त'ऊ आलर मंजर केरर।

त‍इरकर 5:14

अरा नगदे बग्‍गे मॆतर अरा मुक्‍कर उर्बा येसुसिन पत्त'आ लगियर। अरा आर पत्त'ऊ आलर ही खोंड़हा नू मेसर'आ लगियर।

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

2 कोरिन्‍थ 10:15

ऎम नन्नर ननू नलखन एमा ब'अरकी फुलई मल नन्दम, आद हूँ सिवान ती चाड़ना नलख दिम हिके। अन्नु हूँ एम्है असरा ईद र'ई का, निम्है पत्त'अना पर्दनुम क'ओ अरा एम्है सुसर नलख निम्है मझी नू कोड़हे बींड़रनुम क'ओ।