यॊहनस 4:36 - पुना गच्छरना NT (BSI)

³⁶ एकासे ख़ुयू आलस तंग्है भूतिन ख़क्‍खदस ती खेतिन सकल'अदस, अन्नेम धर्मेसी नलख ननुस जनमजुग उज्‍जना गे आलारिन सकल'अदस। औंगे चाँख़'उस अरा ख़ुयुस संगे मेस्र'ओर ती खुसमार'ओर।

यॊहनस 4:36 ပူးပေါင်းရင်းမြစ်များ

मत्तायोस 19:29

अरा एका ओर्तस तंग्‍है एड़पा पली महले भ‍ईर महले बहिनर महले अयंग महले बंग महले ख़द्द-ख़र्रा महले ख़ल्‍लन एंग्‍है चड्‍डे अम्‍बका र'अदस, आस गे सौ गुना ख़क्‍ख्र'ओ अरा मुंजामलका उज्‍जना ख़क्‍ख्र'ओ।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

रोमी 1:13

अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

1 थेस्‍सलोनिकॆयर 2:19

एन्‍देर एमा असरा अरा रिझ चि'ई अरा नम्‍है उर्बा येसुसी बरना बेड़ा नू आसी मुन्‍दहारे एम्‍है महबा ही मुकुट एन्‍देर र'ओ? नीम मलदर का?

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।