यॊहनस 4:21 - पुना गच्छरना NT (BSI)

²¹ येसुस अदिन बाचस, “अनय आली! एंग्‍है कत्‍थन पत्त'अय, बेड़ा बर'आली, आ बारी नीम धर्मे बंगासिन ई परता नू हूँ मला महले येरुसलॆम नगरे नू हूँ मल महबा ननोर।

यॊहनस 4:21 ပူးပေါင်းရင်းမြစ်များ

मत्तायोस 18:20

एन्‍देरगेका एक्‍सन ऎनोटा महले मूनोटा आलर एंग्‍है नामे ती ख़ॊड़्रनर असन ऎन आर ही मझी नू र'अदन।”

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

लू‍कस 21:24

आर तबेल ती पिटतार'ओर, अरा उर्मी राजी नू हें'अरकी होतार'ओर। अरा नन-यहूदी आलर ही उल्‍ला अरगी मन्ना गूटी येरुसलॆम आर ही आकुस नू र'ओ।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

यॊहनस 16:32

ऎरा, बेड़ा बर'आ लगी, अरा अंड़सा ख़च्‍चकी र'ई। आ बारी नीम छितिर बितिर मनोर ती तंग्‍है तंग्‍‍है एड़पा बोंगोर। अरा एंगन ओर्तेलेका अम्‍बोर चि'ओर। अन्नु हूँ ऎन ओर्तेलेका मलदन, एन्‍देरगेका बंगस एंग्‍है गने र'अस।

यॊहनस 4:23

लिकिन बेड़ा बर'आली, अरा अक्‍कुन बरचकी र'ई। मानी ती महबा ननू आलर, आ बारी तम्‍है बॊलता गने अरा मानी जिया ती धर्मे बंगासिन महबा ननोर। धर्मे बंगस एन्नेम महबा ननुरिन बेद्ददस।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 5:28

इदही पत्त नू अमा हैकटर'आ, एन्‍देरगेका बेड़ा बर'आ लगी, केचका ओर्मा आलर एंग्‍है सड़न मेनोर।

त‍इरकर 6:14

अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

इफेसुस 2:18

औंगे आसी चड्डे नाम इरबत ओन्टा बॊलतस ती धर्मे बंगस मुन्दहारे बर'आ ओंग्दत।

इफेसुस 3:14

ऎन धर्मेसी लूरन अरा चिताबुतन सोचदन ख़ने, मेर्ख़ा अरा ख़ॆख़ेल नू र'ऊ उर्मी एड़पातारिन गढ़चका बंगासी मुन्दहारे मूकलिदिरदन।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

दहदर मंजका कत्‍था 21:22

अरा ऎन आ नगरे नू मन्दिर मल ईरकन, एन्‍देरगेका उर्मी ती सवंगिय धर्मे उर्बस अरा भेंडो ख़द्द मसीस अदही मन्दिर हिकनर।