यॊहनस 3:36 - पुना गच्छरना NT (BSI)

³⁶ नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 3:36 ပူးပေါင်းရင်းမြစ်များ

मत्तायोस 25:46

अरा ईर मुंजामलका गूटी दंडे भोग'आ गे क'ओर, लिकिन उजगो आलर मुंजामलका उज्‍जना नू कोर'ओर।”

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

लू‍कस 2:30

एन्‍देरगेका एंग्‍है ख़न्न ‍निंग्‍है नाड़ुसिन ईरकी र'ई,

लू‍कस 3:6

अरा उर्मी आलर धर्मेसी नाड़ना ही पत्त नू अख़'ओर।’”

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 10:28

अरा अबड़ा गे ऎन जनमजुग उज्‍जनन चि'अदन। अरा इकला हूँ अबड़ा मल नठार'ओ, अरा अबड़न नॆ हूँ एंग्‍है ख़ेक्खा ती बच्‍चा पोल्‍लोर।

यॊहनस 3:3

येसुस आसिन आनाकिर्ताचस, “ऎन निंगन मानिमन ब'अदन, नीकईम अउरिम मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।”

यॊहनस 4:36

एकासे ख़ुयू आलस तंग्है भूतिन ख़क्‍खदस ती खेतिन सकल'अदस, अन्नेम धर्मेसी नलख ननुस जनमजुग उज्‍जना गे आलारिन सकल'अदस। औंगे चाँख़'उस अरा ख़ुयुस संगे मेस्र'ओर ती खुसमार'ओर।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:58

ईदिम मेर्ख़ा ती इत्तका असमा हवे। ईद आ असमा लेक्‍खा मल्‍ली, एकदन निम्‍है पूरखर मोक्‍काचर। आर गा केच्‍चर केरर, लिकिन नॆ ई असमन मॊख़ोस, आस जनमजुग उज्‍जोस।”

यॊहनस 8:51

ऎन निमन मानिम ब'अदन, नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।”

त‍इरकर 14:2

लिकिन एका यहूदीर मल पत्ताचर आर नन-यहूदीरिन तकाबाचर ती पत्त'ऊ आलर ही बिड़दो नू नन्‍ताचर।

रोमी 4:15

एन्‍देरगेका पॆसका धर्मेसी ख़ीसन लेका ओन्‍द्र'आ ऊंगी। एक्सन पॆसका मल्‍ला असन अदिन टांड़ना ही कत्‍था मल मनी।

रोमी 5:9

अक्‍कु गा नाम मसीसी ख़ॆंस ती उजगो मंजका र'अदत होले आस नमन धर्मेसी ख़ीस ती नाड़ोस दिम।

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

गलातिया 3:10

औंगे एवंदा आलर नाड़र'आ गे नॆग नू असरा नन्नर, आर ओर्मर सर्पारनर। एन्‍देरगेका नेम्हा पुथी नू लिख्रकी र'ई, “नॆ नॆग ता लिख्रका उर्मी कत्‍था ही बेसे मल मन्‍नर, आस ओर्त ओर्त सर्पारदस।”

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

1 थेस्‍सलोनिकॆयर 1:10

अरा नीम आसी तंग्‍दासी मेर्ख़ा ती बरना ही पाब ऎरालदर, नॆकन धर्मेस केचका ती उज्‍जताचस। आसिम येसुस हिकदस नॆ नमन बरना नेंवई ही खींस ती बछाब'अदस।

1 थेस्‍सलोनिकॆयर 5:9

एन्‍देरगेका धर्मेस नमन तंग्‍है खींस ती दंडे ख़क्‍खा गे मल्‍ला चज्जिका। लिकिन आस नमन नम्‍है उर्बस येसु मसीस ती नाड़र'आ गे चज्जिकादस।

इब्रानी 10:29

अन्ने होले सोच'आ का, एकास धर्मेसी ख़द्दासिन म‍ईन मल नंजस, अरा तंगन नेम्‍हा नन्‍ताचका पुना गच्‍छरना ही ख़ॆंसन नेम्‍हा मल मन्‍चस, अरा मया चि'ऊ नेम्‍हा बॊलतन लज्‍जे मॊख़ताचस, आस एका कोड़हे दंडे ही जॊगे मनोस दने।

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।

इब्रानी 3:18

अरा आस नॆख‍अय ती किरया मोक्‍खस का आर तंग्‍‍है ख़न्न ऎख़्रना अड्डा नू इकला हूँ कोर'आ पोल्‍लोर? नॆ आसिन मल पॆस्रनर आर ही पत्त नू आस एन्ने बाचस।

इब्रानी 3:19

औंगे नाम ऎरदत का आर ही मल पत्त'अना ही चड्डे आर आसी ख़न्न ऎख़्रना अड्डा नू कोर'आ पोल्‍लर।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”