यॊहनस 3:35 - पुना गच्छरना NT (BSI)

³⁵ बंगस तंग्‍दासिन चोन्‍हा नन्‍दस, अरा उर्मिन आसी ख़ेक्खा नू सोंपचकादस।

यॊहनस 3:35 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

लू‍कस 10:22

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।”

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 15:9

एकन्ने बंगस एंगन चोन्‍हा नंजकादस, अन्नेम ऎन हूँ निमन चोन्‍हा नंजकादन। एंग्‍है चोन्‍हा नू बन्चका र'आ।

यॊहनस 17:2

नीन ओर्मा आलर मइय्याँ एंगा गे अदिया चिच्‍चकादय, नीन एंगा चिच्का ओर्मर गे ऎन जनमजुग ही उज्‍जना चि'आ गे दिम नीन इदन नंजकय।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 17:26

अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्‍है म‍इय्याँ रहचका चोन्‍हा ईर ही म‍इय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”

यॊहनस 5:20

एम्‍बस गा एंगन चोन्‍हा नन्‍दस, अरा आस एन्‍देर एन्‍देर नन्‍दस अबड़ा उर्मिन एंगा ऎद्ददस। आस इबड़ा ती अउर कोहाँ नलख गुट्ठिन हूँ एंगा ऎद'ओस। होले नीम अनचकर'ओर।

यॊहनस 5:22

एम्‍बस नॆकन हूँ नेंवई मल नन्‍दस, लिकिन नेंवई नन्‍ना ही उर्मी अदियन एंगा सोंपचकादस।

1 कोरिन्‍थ 15:27

एन्‍देरगेका नेम्‍हा पुथी नू एन्ने लिख्रकी र'ई का, “धर्मेस ‘उर्मिन’ आसी ख़ेड्डे किय्या नंजका चिच्‍चकादस।” “उर्मिन” आसी तबे नू नंजकादस एन्ने ब'अना बारी, ईद फरीफरी ईथर'ई का इय्या नू धर्मेस मल बरदस। एन्‍देरगेका धर्मेस दिम उर्मिन मसीसी तबे नू नंजकादस।

इफेसुस 1:22

अरा धर्मेस उर्मी जिनिसन मसीसी अदिया किय्या नंजस चिच्‍चस, अरा आसिन उर्मी जिनिस नू अदिया ननू मुद्धस कमचस ती कलीसिया ही दौ गे चिच्चस।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।