यॊहनस 3:34 - पुना गच्छरना NT (BSI)

³⁴ नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

यॊहनस 3:34 ပူးပေါင်းရင်းမြစ်များ

मत्तायोस 12:18

“ऎरा, इसन एंग्‍है जॊंख़स, ईसिन ऎन चज्‍जिका र'अदन। ईस एंग्‍है चोन्‍हास एकासी ती एंग्‍है जिया रिझ्र'ई। एंग्‍है बॊलतन आसी नू सज'ओन, अरा आस उर्मी जातियर नू एंग्‍है नेंवई ही हला तेंगोस।

लू‍कस 4:18

“उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

यॊहनस 1:16

अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 5:26

धर्मे बंगस गे उज्‍जनन चि'अना सवंग र'ई, अरा आस आ उज्‍जना चि'अना सवंगन आसी ख़द्दन एंगा चिच्कादस।

यॊहनस 7:16

ख़ने येसुस आरिन आनाकिर्ताचस, “एंग्‍है सिखाब'अना एंग्‍है मल्‍ली, ईद एंगन त‍इय्‍का धर्मेस ती बर'ई।

यॊहनस 8:40

लिकिन नीम गा एंगन पिटा बेद्ददर, इगेका ऎन धर्मेस ती मेंजका मानिमन निमन तिंकादन। अब्राहमस इकला हूँ एन्ने नलख मल नंजस।

यॊहनस 8:47

एकास धर्मेसी आलस र'अदस, आस धर्मेसी कत्‍थन मेन्‍दस। नीम इदगे मल मेन्‍दर का नीम धर्मेसी आलर मलदर।”

त‍इरकर 1:2

आस तान चज्‍जियस अबड़ा त‍इरकर गे नेम्‍हा बॊलतस ती पॆसका चिच्का ती मेर्ख़ा होतारना गूटी येसुस नंजका अरा सिखाबाचका उर्मी कत्‍थन अइय्यम लिखचकन।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

कोलोस्से 2:9

एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

दहदर मंजका कत्‍था 21:6

आस अउरिम एंगन बाचस, “इबड़ा उर्मी कत्‍था गुट्ठी मंज ख़च्‍चकी र'ई। ऎन अल्‍फा अरा ओमेगा, ऒरे अरा छेद्दे हिकदन। ऎन ओनक'आरिन उज्‍जना अम्मु ही पझरा ती सिथिया ओन्त'ओन।

दहदर मंजका कत्‍था 22:1

इदही ख़ॊख़ा आ मेर्ख़ा पैकस एंगन बिल्‍लोर लेक्‍खा झलकारना उज्‍जना ही अम्मु ही ख़ाड़न ऎदस। आद धर्मेस अरा भेंडो ख़द्दासी बॆल-गदिया ती बाह'ई।