यॊहनस 3:33 - पुना गच्छरना NT (BSI)

³³ नॆ आसी गोवाह आबोन पत्त'अदस, आस धर्मेस मानिम जॊगे र'अदस एन्ने ऎदस।

यॊहनस 3:33 ပူးပေါင်းရင်းမြစ်များ

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 8:26

ऎन निम्‍है पत्त नू तेंगा गे अरा नेंव‍ई नना गे ढ़ॆर कत्‍था र'ई। एंगन तइय्युस मानिम र'अदस, आस गुसते ऎन एन्‍द्रन मेंजकन अबड़ा कत्‍थन लेका ख़ॆख़ेल नू तेंगदन।”

रोमी 15:28

औंगे ऎन ई नलखन नंज ख़च्‍चोन ती आर गे इबड़ा बरार आबोन सोंप'ओन ती निम्‍है गुसन कुरनुम स्‍पानिया क'ओन।

रोमी 4:11

अब्राहमस खतना मंजका ही मुन्‍द दिम तंग्‍है पत्त'अना ती ख़क्ख्रका उजगो आबोन ऎद'आ गे ख़ॊख़ा आस खतना आबोन ओन्‍टा चिन्‍हा लेक्‍खा ख़क्‍खियस। औंगे बिगर खतना ती हूँ ओर्मा पत्त'उर गे अब्राहमस बंग मनदस। ईर तम्‍है पत्त'अना ती उजगो आल मन्नर।

1 कोरिन्‍थ 9:2

नन्‍नर एंगन तइरकन मल बुझ्रना ती हूँ, ऎन मानिम नू निमा गा त‍इरकन हिकदन। एन्‍देरगेका उर्बस नू नीम एंग्‍है तइरका नलख ही पुरुब र'अदर।

2 कोरिन्‍थ 1:18

लिकिन धर्मेस पत्त'अना जॊगे र'अदस, अन्नेम एम्‍है कत्‍था निमा गे “हाँ” एन्ने बाचका ख़ॊख़ा “मला” एन्ने ब'अना लेक्‍खा मल्‍ला।

2 कोरिन्‍थ 1:22

आस नम्‍है उर्बस एन्ने ऎद'आ गे आस नम्‍है मइय्याँ छाप चिच्कादस, अरा बयाना नू नम्‍है जिया नू आसी नेम्‍हा बॊलतासिन चिच्कादस।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

इब्रानी 6:17

औंगे धर्मेस एन्‍देर गच्‍छरस अदिन ख़क्‍खू नॆ र'अनर आर गे आसी गच्‍छरकन मानिम ऎद'आ बिद्दियस। अरा आस आरिन फरीफरी बुझुरत'आ गे बिद्दियस का आसी चिताबुता कहियों मल बदलार'ओ, औंगे आस किरया मोक्‍खस।

1 यॊहन 1:10

नाम पाप मल्ला नंजका ब'अदत होले, नाम धर्मेसिन ठकवा ब'अदत, अरा एन्ने ऎद्ददम का आसी कत्था गे नम्है जिया नू अड्डा मलकी।