यॊहनस 3:26 - पुना गच्छरना NT (BSI)

²⁶ अरा यॊहनसी चेलर यॊहनस गुसन बरचर ती बाचर, “अना गुरु, एका ओर्तोसिन नीन यरदन ख़ाड़ ही पुरुब तरा भेंट मंजकय, अरा आसी पत्त नू नीन गोवाह चिच्‍चकय, आस हूँ आलारिन नॊड़रत'अदस, अरा ओर्मा आलर आस गुसन कानर।”

यॊहनस 3:26 ပူးပေါင်းရင်းမြစ်များ

मत्तायोस 23:7

बजार गुट्ठी नू मोंजरा अरा आलर नू ‘गुरु’ बारना आर गे दौ लग्‍गी।

मत्तायोस 23:8

लिकिन नीम ‘गुरु’ अमके बार'आ, एन्‍देरगेका निम्‍है गा ओर्तलेका गुरु र'अस अरा नीम ओर्मर भइय्योर हिकदर।

यॊहनस 1:15

यॊहनस आसी पत्त नू गोवाह चिच्‍चस अरा चिच्चियारस ती बाचस, “नॆख'आ पत्त नू ऎन बाचकन, आस ईसिम हिकदस, आस एंग्‍है ख़ॊख़ा बरदस, लिकिन एंग्‍है ती कोहँस र'अदस, एन्‍देरगेका आस एंग्‍है ती मुन्‍द दिम रहचस।”

यॊहनस 1:7

आस आ बिल्‍ली ही पत्त नू गोवाह चि'आ गे ओन्‍टा गोवाह लेक्‍खा बरचस, औंगे ओर्मर आस ती पत्त'आ ओंगोर नेकअन।

यॊहनस 1:9

एकास मानी बिल्‍ली र'अदस, आस ओर्मर गे बिल्‍ली चि'अदस, आस अक्‍कु ख़ॆख़ेल नू बर'आ लगियस।

यॊहनस 11:48

ईसिन एन्नेम नाम अम्‍बोत चि'ओत होले, ओर्मा आलर आसिन पत्त'ओर। फिन रोमी आलर बर'ओर ती नम्‍है धर्मेसी मन्दिरन अरा नम्‍है राजिन नठाब'ओर।”

यॊहनस 12:19

ख़ने फरिसीर ताम तामिम कछनक्‍खरर, “नीम ऎरा, नम्‍है ती एन्‍देर हूँ मना पुल्‍ली, ऎरा! गोट्टा ख़ॆख़ेल आसी ख़ॊख़ा कालाली।”

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 4:1

येसुस यॊहनस ती बग्‍गे आलारिन चेला कमदस अरा नॊड़रत'अदस, एन्ने फरिसीर मेंजर, अदन येसुस अक्‍खस। ख़ने आस यूदेया जिला आबोन अम्‍बियस ती गलिलेया जिला किर्रिम बिच्‍चियस। (येसुस तान मला, लिकिन आसी चेलर नॊड़रत'आ लगियर।)

यॊहनस 4:31

इदही मझी नू चेलर आसिन मेनालियर, “गुरु, ओंदा कटइकेम मॊख़ा।”

यॊहनस 5:33

नीम यॊहन नूड़रत'उस गुसन मेना गे आलारिन तइय्‍कर, अरा आस एंग्है पत्त नू चिच्का गोवाह मानी हवे।