यॊहनस 3:21 - पुना गच्छरना NT (BSI)

²¹ लिकिन नॆ मानी गने उज्‍जनर, आर बिल्‍ली हेद्दे बरनर, अत्रु ईद दहदर मनी का आर ही नलख धर्मेस ती मंजकी र'ई।”

यॊहनस 3:21 ပူးပေါင်းရင်းမြစ်များ

यॊहनस 1:47

येसुस नतनऎलसिन तंग्‍है तरा बरनन ईरियस ती आसी पत्त नू बाचस, “ऎरा, ईस ओन्‍टा मानिम इस्राऎल आलस, ईसी नू कुटमुटरना मलकी।”

यॊहनस 3:20

मलदौ नलख ननू ओर्मर बिल्‍लिन ख़ाँड़नर, अरा बिल्‍ली नू मल बरनर, एन्‍देरगेका तम्‍है मलदौ नलख गुट्ठी दहदर मनो अदगे एल्‍चनर।

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

गलातिया 6:8

एन्‍देरगेका एकास तंग्‍है कया आबोन रिझ्रत'आ गे उज्‍जोस आस मुंजा मलका नठारनन ख़क्‍खोस। अरा एकास बॊलतन रिझ्रत'आ गे उज्‍जोस आस मुंजा मलका उज्‍जनन ख़क्‍खोस।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 यॊहन 1:6

औंगे नाम धर्मेस गने मेस्रकत ती उज्जदत ब'अदत ती ऊख़ा नू उज्जा लगदत होले, नाम ठकदत अरा मानी लगे उज्जुर मल र'अदत।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।

दहदर मंजका कत्‍था 3:15

ऎन निंग्है नलख गुट्ठिन अख़दन का नीन कीरना हूँ मला, कुड़ना हूँ मला। नीन कीरना महले कुड़ना र'आ गे ऎन बेद्ददन।