यॊहनस 3:2 - पुना गच्छरना NT (BSI)

² आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 3:2 ပူးပေါင်းရင်းမြစ်များ

मत्तायोस 22:16

आर जोक्को तम्‍है चेलारिन अरा हॆरॊदॆरिन येसुस गुसन ब'आ गे तइय्यर, “अना गुरु! ऎम अख़दम का नीन उजगो आलय अरा नीन धर्मेसी डहरेन मानी गने तेंगदय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय।

मत्तायोस 23:7

बजार गुट्ठी नू मोंजरा अरा आलर नू ‘गुरु’ बारना आर गे दौ लग्‍गी।

मत्तायोस 23:8

लिकिन नीम ‘गुरु’ अमके बार'आ, एन्‍देरगेका निम्‍है गा ओर्तलेका गुरु र'अस अरा नीम ओर्मर भइय्योर हिकदर।

मरकुस 12:14

आर येसुस गुसन बरचर ती बाचर, “अना गुरु! ऎम अख़दम का नीन उजगो आलय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय। नीन धर्मेसी डहरेन मानी गने तेंग‍दय। यहूदी नॆग नमन कैसरस गे मालगुजारी चि'आ गे पॆस'ई का मला?

यॊहनस 1:38

येसुस किर्रिईरियस ती आरिन तंग्‍है गने चॊंख़्रनन ईरियस ती आरिन बाचस, “नीम एन्‍द्रन बेद्ददर?” आर आसिन बाचर, “अना रब्‍बी! नीन एसन र'अदय? (‘रब्‍बी’ ही मने ‘गुरु’।)”

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 14:10

एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 20:16

येसुस अदिन बाचस, “मरियम!” आद पछली किर्रिया ती इब्रानी भखा नू बाचा, “रब्‍बुनी।” रब्‍बुनी मने गुरु हवे।

यॊहनस 3:26

अरा यॊहनसी चेलर यॊहनस गुसन बरचर ती बाचर, “अना गुरु, एका ओर्तोसिन नीन यरदन ख़ाड़ ही पुरुब तरा भेंट मंजकय, अरा आसी पत्त नू नीन गोवाह चिच्‍चकय, आस हूँ आलारिन नॊड़रत'अदस, अरा ओर्मा आलर आस गुसन कानर।”

यॊहनस 4:31

इदही मझी नू चेलर आसिन मेनालियर, “गुरु, ओंदा कटइकेम मॊख़ा।”

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

यॊहनस 6:2

ओन्‍टा कोहाँ गोंहड़ा आसी ख़ॊख़ा कालिया, एन्‍देरगेका आस रोगियारिन कोड़े नंजस ती अजगुत नलख ही चिन्‍हा ऎदकाचस, अदिन आर ईरका रहचर।

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”

यॊहनस 9:16

तहाँ फरिसीर ती जोक्‍कोर बाचर, “ईस धर्मेस तरती मलकस, एन्‍देरगेका ईस ख़न्‍न एख़ना उल्‍ला ही नॆगन मल मनदस।” लिकिन नन्नर बाचर, “ओर्त पपहा आलस एकासे एन्ने लेक्‍खा अजगुत नलख ही चिन्‍हन नना ओंग्‍दस?” ख़ने आर तम्‍है नू ख़ाड़रर केरर।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

फिलिप्‍पी 1:14

अरा बग्गे पत्त'ऊ आलर एंग्है हॆंरका ती उर्बस संगरा ननोस ब'अरकी आस नू असरा नंजर ती मुन्द ती कोड़हे डिढ गने बिगर इल्चिक'आ धर्मेसी कत्‍थन मेन्त'आ लगनर।