यॊहनस 3:17 - पुना गच्छरना NT (BSI)

¹⁷ धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 3:17 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 18:11

एन्‍देरगेका मनवा ख़द्दन ऎन एबस्रका आलारिन नाड़ा बरचकादन।]

लू‍कस 19:10

मनवा ख़द्दन ऎन एबस्रकारिन बेद्दा अरा नाड़ा बरचकादन।”

लू‍कस 9:56

मनवा ख़द्दन ऎन गा आलर ही जियन नटाब'आ गे मला लिकिन बछाब'आ गे बरचकादन।”] अरा आर नन्‍ना पद्दा नू किर्रिम बिच्‍चियर।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 10:36

एंग्‍है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्‍दर का ऎन धर्मेसिन निंदा नन्‍दन?

यॊहनस 11:42

अरा ऎन अख़'आ लिक्‍कन, नीन सदौ एंग्‍हैन मेन्‍दय। लिकिन इसन ओनबेंड़र'आ इज्‍जका आलर ही चड्डे ऎन एन्ने बाचकन का आर पत्त'आ ओंगोर का नीन एंगन तइय्कादय।”

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

यॊहनस 5:38

अरा नीम आसी कत्‍थन निम्‍है जिया नू मल उइय्दर, एन्‍देरगेका आस निम्‍है गुसन त‍इय्‍का एंगन मल पत्त'अदर।

यॊहनस 5:45

धर्मे बंगस गुसन ऎन निमन बदी ननोन एन्ने अमके सोच'आ। नीम असरा ननू मूसस दिम निमन बदी ननोस।

यॊहनस 6:29

येसुस आनाकिर्ताचस, “ई ओन्‍टा नलखन दिम नीम नना गे धर्मेस बेद्ददस का, नॆकन आस तइय्‍कादस आसिन पत्त'आ।”

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:57

उज्‍जना चि'ऊ बंगस एंगन तइय्‍कादस, अरा बंगासी चड्डे दिम ऎन उज्‍जदन। अन्नेम नॆ एंगन मॊख़दस, आस गे एंग्‍है ती उज्‍जना ख़क्‍ख्र'ओ।

यॊहनस 7:29

लिकिन ऎन आसिन अख़दन, एन्‍देरगेका ऎन आसी गुस्‍ते बरचकादन, अरा आसिम एंगन तइय्यस।”

यॊहनस 8:11

आद बाचा, “उर्बायो, नॆ हूँ मला।” तहाँ येसुस अदिन बाचस, “ऎन हूँ दंडे ही नेंव‍ई मल नन्‍दन, कलय, अरा अक्‍कु ती पाप नन्नन अम्‍बय चि'ई।”]

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

1 यॊहन 2:2

अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।