यॊहनस 3:16 - पुना गच्छरना NT (BSI)

¹⁶ धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 3:16 ပူးပေါင်းရင်းမြစ်များ

मत्तायोस 9:13

लिकिन कला ती सिख्र'आ का ‘ऎन सोग्‍गेन बेद्ददन दाँड़ेन मल्‍ला’ एन्ने ई ब'अना ही एन्‍देर माने मनी। ऎन नॆ तमन उजगो सोचनर आर गे म‍ला नॆ तमन पपहा बुझुरनर आरिन एड़'आ बरचका र'अदन।”

मरकुस 12:6

अक्‍कु त‍इय्‍या गे आस गुसन आसी चोन्‍हा ख़द्दस लेका रहचस। ‘एंग्‍है ख़द्दासिन आर म‍ईन ननोर’ सोच्‍चस ती छेद्दे नू तंग्‍है ख़द्दासिन त‍इय्‍यस।

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 10:28

अरा अबड़ा गे ऎन जनमजुग उज्‍जनन चि'अदन। अरा इकला हूँ अबड़ा मल नठार'ओ, अरा अबड़न नॆ हूँ एंग्‍है ख़ेक्खा ती बच्‍चा पोल्‍लोर।

यॊहनस 3:15

औंगे नॆ मनवा ख़द्दन एंगा नू पत्त'अनर, आर ओर्मर जनमजुग उज्‍जनन ख़क्‍खोर।

यॊहनस 3:18

नॆ धर्मेसी ख़द्दस नू पत्त'अदस, आस गे दंडे ही नेंव‍ई मल मनी। लिकिन नॆ आस नू मल पत्त'अदस, आस गे दंडे ही नेंव‍ई मंज ख़च्‍चकी र'ई, एन्‍देरगेका आस धर्मेसी ओर्त लेका ख़द्दासी नामे नू मल पत्त'अदस।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

रोमी 5:10

एन्‍देरगेका नाम धर्मेसी बैरी र'ओ बारी नाम धर्मेस गने आसी ख़द्दासी खे'अना ती निभ्रदत। अक्‍कुन नाम धर्मेस गने निभ्रकत ख़ने आस नमन तंग्‍दासी उज्‍जना ती दंडे ती नाड़ोस दिम।

रोमी 5:8

लिकिन नाम पपहा र'अना बेड़ा नू मसीस नमा गे केच्‍चस। इत्रु ती धर्मेस नम्‍है म‍इय्याँ ता तंग्‍है चोन्‍हन दहदर नन्‍दस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

इफेसुस 2:4

लिकिन धर्मेस गा सोग्‍गे ऎरना नू उरुब र'अदस, अरा आस तंग्‍है कोड़हे चोन्‍हा चड्डे नमन चोन्‍हा नंजस।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

तीतुस 3:4

लिकिन नमा गे बछाब'ऊ धर्मेसी सोग्‍गे अरा चोन्‍हा मंजा।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।