यॊहनस 3:15 - पुना गच्छरना NT (BSI)

¹⁵ औंगे नॆ मनवा ख़द्दन एंगा नू पत्त'अनर, आर ओर्मर जनमजुग उज्‍जनन ख़क्‍खोर।

यॊहनस 3:15 ပူးပေါင်းရင်းမြစ်များ

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 25:46

अरा ईर मुंजामलका गूटी दंडे भोग'आ गे क'ओर, लिकिन उजगो आलर मुंजामलका उज्‍जना नू कोर'ओर।”

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

लू‍कस 19:10

मनवा ख़द्दन ऎन एबस्रकारिन बेद्दा अरा नाड़ा बरचकादन।”

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:47

ऎन निमन मानिम ब'अदन, नॆ पत्त'अदस आस गे जनमजुग उज्‍जना र'ई।

त‍इरकर 13:41

‘अना निंदा ननू आलारो! ऎरा, अकबक मना अरा खे'आ कला। ऎन गा ओन्‍टा नलखन निम्‍है उल्‍ला गुट्ठी ननोन। ओर्तोस अदही पत्त नू निमन तेंगोस। अन्नु हूँ नीम अदिन मल पत्त'ओर।’”

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

1 कोरिन्‍थ 1:18

क्रूस ही पत्त ता सिखाब'अनन खे'अना ही डहरे नू कालू आलर खईता बुझुरनर। लिकिन नाड़रनन ख़क्‍खू आलर नमा गे आद धर्मेसी सवंग हवे।

2 कोरिन्‍थ 4:3

अन्‍ति एम्‍है दौ कत्‍था नू इन्द्रिइम ओदहा र'ई होले, आद नॆ नठारनर कानर आर गे अन्ने र'ई।

गलातिया 2:16

अन्नु हूँ नाम अख़दत, आलर नॆग ही नलख ती मला, लिकिन येसु मसीसिन पत्त'ओर ती उजगो आल मनोर। इदगे नाम मसी येसुस नू पत्ताचकादत, एकत्रु नाम नॆग ही नलख ती मला, लिकिन येसु मसीस नू पत्त'अना ती उजगो आल मनोत, एन्‍देरगेका नॆग ही नलख ती नॆ हूँ उजगो मना पोल्‍लोर।”

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

इब्रानी 10:39

लिकिन नाम गा धर्मेस ती पछली किर्रना ती नठार'ऊ आलर मदहे मलदत। नाम पत्त'अरकी जियन बछाब'ऊ आलत हिकदत।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

1 यॊहन 2:25

जनमजुग उज्जनन चि'ओन एन्ने आस नम्है गने गच्छरस, ईदिम आसी गच्छरना हवे।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।