यॊहनस 3:13 - पुना गच्छरना NT (BSI)

¹³ मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 3:13 ပူးပေါင်းရင်းမြစ်များ

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

मत्तायोस 8:20

येसुस आसिन बाचस, “सिकटा गुट्ठी ही लाता र'ई, अरा ऒड़ा गुट्ठी ही खोता र'ई, लिकिन मनवा ख़द्दन एंगा गे कुक्‍कन हूँ बेड़त'आ ती ख़न्न ऎख़ा गे अड्डा मलकी।”

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 3:12

ऎन निमन ख़ॆख़ेल ता कत्‍थन तिंकन अदिन नीम मल पत्त'अदर, लिकिन ऎन निमन मेर्ख़न ता कत्‍थन तेंगोन होले, नीम एकासे पत्त'ओर?

यॊहनस 3:31

मइय्याँ ती बर'उस ओर्मर ती कोहँस दिम र'अस। अरा ख़ॆख़ेल ती बर'उस ख़ॆख़ेलतस हिकदस। आस ख़ॆख़ेल ता कत्‍था गुट्ठिन कछनख्रदस। लिकिन मेर्ख़ा ती बर'उस ओर्मर ती कोहँस दिम र'अस।

यॊहनस 6:33

एन्‍देरगेका धर्मेसी असमा ईद हवे का, एकास मेर्ख़ा ती इत्तियस ती ख़ॆख़ेल ता आलर गे उज्‍जना चि'अदस।”

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:42

अरा आर ब'आ लगियर, “ईस गा येसुस, यॊसॆफसी तंग्‍दस, ईसी तंग्‍यो तम्‍बन नाम अख़दत, होले अक्‍कु ईस एकासे ब'अदस, ‘ऎन मेर्ख़ा ती इत्तका हिकदन?’”

यॊहनस 6:46

नॆ धर्मेस तरती बरचकादस, आसिन अम्‍बरकी नॆ हूँ बंगासिन मल ईरका र'अनर।

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

यॊहनस 6:62

मनवा ख़द्दन ऎन मुन्‍द रहचकन आ अड्डा नू होतारनन नीम ऎरोर होले, एकासे र'ओ!

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

त‍इरकर 2:34

दाऊदस गा मेर्ख़ा मल्‍ला अरगका। लिकिन आस ब'अदस, ‘उर्बस एंग्‍है उर्बासिन बाचस, ‘नीन एंग्‍है तीना पक्‍खे उक्‍का र'आ,

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

रोमी 10:6

लिकिन पत्त'अना ती उजगो मन्ना इदिन ब'ई, “नीम निम्‍है जिया नू एन्ने अमा सोच'आ का ‘नॆ मेर्ख़ा क'ओ?’ अन्‍ति मसीसिन किय्या ओन्‍द्र'आ गे।

1 कोरिन्‍थ 15:47

पहिल आलस ख़ॆख़ेल ता हिकदस ख़ज्‍जो ती कम्रकादस। दोसर आलस मसीस मेर्ख़ा ता हिकदस।

इफेसुस 1:23

आ कलीसिया दिम मसीसी मॆद लेक्खा र'ई। ईद उर्मी अड्डा नू उर्मी नू तंग्है र'अना ती निंद'ऊ मसीस ती निंदका र'ई।