यॊहनस 3:11 - पुना गच्छरना NT (BSI)

¹¹ ऎन निंगन मानिमन ब'अदन, ऎम अख़दम अदिनिम ब'अदम, अरा ईरकादम अदही पत्त नू गोवाह चि'अदम, लिकिन नीम एम्‍है गोवाह आबोन मल इंझ्रदर।

यॊहनस 3:11 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 23:37

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

लू‍कस 10:22

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।”

यॊहनस 1:11

आस तंग्‍है आलर गुसन बरचस, अन्नु हूँ तंग्‍है आलर आसिन मल इंझ्रर।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 12:49

एन्‍देरगेका ऎन एंग्‍है तरती मल कछनख्रदन। लिकिन एंगन तइय्‍का बंगस दिम एंगन पॆसस, एन्‍देर एन्‍देर ब'अना र'ई अरा अदन एकासे नन्ना र'ई।

यॊहनस 14:24

अरा नॆ एंगन चोन्‍हा मल नन्‍दस, आस एंग्‍है सिखाब'अनन मल मन'ओस। अरा एका कत्‍था गुट्ठिन नीम मेन्‍दर, अबड़ा एंग्‍है कत्‍था मल्‍ली, अबड़ा एंगन त‍इय्‍का बंगासी हवे।

यॊहनस 3:12

ऎन निमन ख़ॆख़ेल ता कत्‍थन तिंकन अदिन नीम मल पत्त'अदर, लिकिन ऎन निमन मेर्ख़न ता कत्‍थन तेंगोन होले, नीम एकासे पत्त'ओर?

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 3:3

येसुस आसिन आनाकिर्ताचस, “ऎन निंगन मानिमन ब'अदन, नीकईम अउरिम मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।”

यॊहनस 3:5

येसुस आनाकिर्ताचस, “ऎन निंगन मानिमन ब'अदन, नीक‍ईम अम्मु अरा बॊलतस ती मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।

यॊहनस 5:43

ऎन एम्‍बासी नामे ती बरचकादन, लिकिन नीम एंगन मल इंझ्रदर। नन्नस ओर्तस तंग्‍है नामे ती बरदस होले, आसिन नीम इंझर'ओर।

यॊहनस 7:16

ख़ने येसुस आरिन आनाकिर्ताचस, “एंग्‍है सिखाब'अना एंग्‍है मल्‍ली, ईद एंगन त‍इय्‍का धर्मेस ती बर'ई।

यॊहनस 8:14

ख़ने येसुस आरिन बाचस, “ऎन ऎनिम एंग्‍है पत्त नू गोवाह चिच्‍चकन, अन्नु हूँ एंग्‍है गोवाह मानिम र'ई, एन्‍देरगेका ऎन एस्‍ते बरचकन‍ अरा एसन कादन ऎन अदिन अख़दन। लिकिन नीम बलदर का ऎन एस्‍ते बरचकन महले एसन कादन।

यॊहनस 8:26

ऎन निम्‍है पत्त नू तेंगा गे अरा नेंव‍ई नना गे ढ़ॆर कत्‍था र'ई। एंगन तइय्युस मानिम र'अदस, आस गुसते ऎन एन्‍द्रन मेंजकन अबड़ा कत्‍थन लेका ख़ॆख़ेल नू तेंगदन।”

यॊहनस 8:38

ऎन एम्‍बस गुसन रहचकन ख़ने, एन्‍दरन ऎन ईरकादन, अबड़न ऎन निमा तेंगदन। नीम निम्‍बस ती एन्‍दरन मेंजकादर अदिन नन्‍दर।”

त‍इरकर 22:18

अरा उर्बासिन ईरकन का आस एंगन बाचस, ‘चाँड़हे येरुसलॆम ती उरखा कला, एन्‍देरगेका आर एंग्‍है पत्त नू निंग्‍है गोवाह आबोन मल पत्त'ओर।’

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 3:14

लवोदिकेया नगरे ता कलीसिया ही पैकस गे नीन एन्ने लिख'आ का: नॆ आमेन, अरा पत्त'अना जॊगे अरा मानिम गोवाह, अरा धर्मेसी गढ़्रना ही ऒरे हिकदस, आस इबड़ा कत्थन ब'अदस।