यॊहनस 21:5 - पुना गच्छरना NT (BSI)

⁵ ख़ने येसुस आरिन बाचस, “अना ख़द्दारो, नीम जोक्‍केम इंजो लौचर का?” आर आनाकिर्ताचर, “मला।”

यॊहनस 21:5 ပူးပေါင်းရင်းမြစ်များ

मत्तायोस 14:15

बीड़ी पुत्तिया ख़ने चेलर आस गुसन बरचर ती बाचर, “ईद उछिन्‍द अड्‍डा हवे, अरा घड़ही मना लगी, आलारिन उड्र'ओत चि'ओत का पद्दा गुट्ठी तरा क'ओर ती तमा गे ओन्ना-मॊख़ना ख़ॆन्‍दा ओंगोर।”

मरकुस 8:7

आर गुसन जुक्‍किम सन्नी इंजो हूँ रहचा। आस धर्मेसिन बिन्‍ती ननरकी अदन गोंहड़ा नू ख़ट्टा गे चेलर गे चिच्‍चस।

फिलिप्‍पी 4:19

अरा एंग्‍है धर्मेस तंग्‍है महबा ही खुर्जी ही लेक्‍खा निम्है उर्मी चाड़न मसी येसुस ती पूरा ननोस।

इब्रानी 13:5

ढिबा म‍इय्याँ अम‍के चिबाख़ार'आ, निंग्‍है गुसन ऎ बग्‍गे र'ई अत्रुम खतिर ननके। एन्‍देरगेका धर्मेस एन्ने बाचकादस, “ऎन निंगन इकला हूँ मल अम्‍बोन। ऎन निंगन इकला हूँ मल मॊधर'ओन।”

1 यॊहन 2:13

अना बंगारो! एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।