यॊहनस 21:3 - पुना गच्छरना NT (BSI)

³ सिमॊन पतरस बाचस, “ऎन इंजो ल'आ कादन।” अबड़ा ओर्मर आसिन बाचर, “ऎम हूँ निंग्‍है गने क'ओम।” ख़ने आर उरखर ती डोंगा नू अरगियर, लिकिन अउला ता माख़ा आर एन्‍द्रा हूँ मल ख़क्‍खियर।

यॊहनस 21:3 ပူးပေါင်းရင်းမြစ်များ

लू‍कस 5:5

सिमॊनस आसिन किर्त'अर बाचस, “अना उर्बायो, ऎम गोट्टा माख़ा लौच ईरकम, लिकिन एन्‍द्रा हूँ मल ख़क्‍खकम, अन्नु हूँ निंग्‍है ब'अना लेक्‍खा जल्‍ली हेबड़दन।”

यॊहनस 21:4

पह पहर'आ लगिया आ बारी येसुस पिंडी नू बरचस ती इज्‍जस। लिकिन चेलर आसिन आस येसुस हिकदस ब'अरकी चिन्‍ह'आ पोल्‍लर।

त‍इरकर 18:3

एन्‍देरगेका आर हूँ तंग्‍है लेक्‍खा कुम्‍बा कमना ही नलख ननू आलर रहचर। ख़ने आस आर ही गने नलख नना लगियस ती र'आ लगियस।

त‍इरकर 20:34

नीम अख़दर का ऎन इबड़ा ख़ेक्खा तिम एंग्‍है अरा एंग्‍है गने रहचका आलर ही चाड़ आबोन पूरा नना गे नलख नंजकन।

1 कोरिन्‍थ 3:7

औंगे इद'उसी एन्द्रा हूँ मलकी, अरा अम्म टेड़'उसी हूँ एन्‍द्रा हूँ मलकी, लिकिन अदन परद'ऊ धर्मेस दिम मुध हिकदस।

1 कोरिन्‍थ 9:6

महले बरनबास अरा ऎन लेका नलख नन्ना ती उज्‍जना बिज्‍जना र'ई का?

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।