यॊहनस 21:2 - पुना गच्छरना NT (BSI)

² सिमॊन पतरस अरा दिदुमोस बारना तॊमस अरा गलिलेया जिला ही काना पद्दा ता नतन‍ऎलस अरा जेबदयुसी दुयो तंग्‍दा बगर अरा येसुसी अउर ऎंड़ चेलर अइय्या जुमुरका रहचर।

यॊहनस 21:2 ပူးပေါင်းရင်းမြစ်များ

मत्तायोस 10:3

अरा फिलिप्‍पोस अरा बरतोलोमैस अरा मालगुजारी ऊज'ऊ मत्तायोस अरा तॊमस अरा हल‍फैसी तंग्‍दस याकॊब अरा तद्दैस

मरकुस 1:19

आर जोर गेच्‍छा केरका ख़ॊख़ा आस जेबदयु तंग्‍दस याकॊब अरा आसी भइय्योस यॊहनसिन ईरियस। आर डोंगा नू तम्‍है जल्‍लिन तुन'आ लगियर।

लू‍कस 5:10

सिमॊनसी संगे नलख ननू जेबदयुसी तंग्‍दस याकॊब अरा यॊहनस हूँ अकबक मंजर। ख़ने येसुस सिमॊनसिन बाचस, “अमा एल्चा, नीन अक्‍कु ती एंग्‍है तरा आलारिन ओन्‍द्रना ही नलख ननोय।”

यॊहनस 1:45

फिलिप्‍पोस नतन‍ऎलसिन ख़क्‍खियस ती बाचस, “नॆख'आ पत्त नू मूसस नॆग नू लिखचकादस अरा धर्मेसी कत्‍था तिंगुर हूँ लिखचकानर, आसिन ऎम ईरकम। आस यॊसॆफसी तंग्‍दस नासरेत पद्दा ता येसुस दिम हिकदस।”

यॊहनस 11:16

ख़ने तॊमस नॆकन दिदुमोस हूँ ब'अनर, आस तंग्‍है संगे चेलारिन बाचस, “गुचा, आस गने नाम हूँ खे'आ गे क'ओत।”

यॊहनस 2:1

अक्‍कुन तिसर उल्‍ला गलिलेया जिला ही काना नामे पद्दा नू बेंजा रहचा। येसुसी तंग्‍यो असन रहचा।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 4:46

फेन ओंग्‍होल येसुस गलिलेया ही काना पद्दा केरस, एसन आस अम्मन अंगुर रासी कमचका रहचस। असन बॆलासी ओन्‍टा मुध आलस रहचस, आसी तंग्‍दस कफरनहूम नगरे नू बेमार खत्रकाचस।