यॊहनस 21:19 - पुना गच्छरना NT (BSI)

¹⁹ पतरस एका लेक्‍खा खे'अनन ख़क्‍खोस ती धर्मेसिन महबा ननोस, एन्ने ऎद'आ गे दिम इदन येसुस तिंगियस। फेन येसुस आसिन बाचस, “नीन एंग्‍हा ख़ॊख़ा गुड़ियार'आ।”

यॊहनस 21:19 ပူးပေါင်းရင်းမြစ်များ

मत्तायोस 10:38

अरा एकअम ओर्तस तंग्‍है क्रुसन चेड़'अरकी एंग्हा चड्डे सस्‍ती सार'आ गे मने मल नन्‍दस आस एंग्‍है मना गे जॊगे मल्‍दस।

मत्तायोस 19:28

येसुस आरिन बाचस, “ऎन निमन मानिम ब'अदन का इकला पुना सौंसे मनो अरा मनवा ख़द्दन ऎन एंग्‍है ओहमा ही बॆल-गदिया नू ओक्‍कोन, आ बारी एंग्‍है गने चॊंख़्रका नीम हूँ बारा गोटा बॆल-गदिया नू ओक्‍कोर ती इस्राऎल ही बारा गोतरन नेंवई ननोर।

मत्तायोस 8:22

लिकिन येसुस आसिन बाचस, “अक्‍कु एंग्‍है गने चॊंख़्र'आ, केचकारिन तम्‍है बॊलता नू केचका आलर माड़नर नेकअन।”

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 12:33

एका लेक्‍खा खे'अना आस गे मनो अदिन ऎद'आ गे दिम इदन आस बाचस।

यॊहनस 18:32

(येसुस तंग्‍है खे'अना ही पत्त नू मुन्‍द तिंका रहचस का ऎन एकन्ने खे'ओन, आद मना गे इबड़ा एन्ने मंजा।)

यॊहनस 21:18

ऎन निंगन मानिम ब'अदन, नीन निंग्‍है जॊंख़ परिया नू नीनिम अत्ता लिक्‍कय, अरा एक्‍सन काला तुक्‍का लगिया असन काला लिक्‍कय। लिकिन नीन पच्‍चोय ख़ने, नीन निंग्‍है ख़ेक्खा गुट्ठिन लमाब'ओय अरा नन्‍नस निंगन अत्त'ओस, अरा एक्‍सन नीन काला मल बेद्ददय असन आस निंगन हो'ओस।”

यॊहनस 21:22

ख़ने येसुस आसिन बाचस, “ऎन आसिन एंग्‍है किर्रना गूटी आस उज्‍जा गे ऎन बेद्ददन होले, इत्रु निंगा एन्‍देर? नीन एंग्‍है ख़ॊख़ा गुड़ियार'आ।”

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।