यॊहनस 21:17 - पुना गच्छरना NT (BSI)

¹⁷ येसुस आसिन तिसर हॆल मेंजस, “अना सिमॊन, यॊहनसी ख़द्दायो! नीन एंगन चोन्‍हा नन्‍दय का?” तिसर हॆल हूँ “नीन एंगन चोन्‍हा नन्‍दय का?” एन्ने येसुस मेंजका ती पतरस दुक्‍खे मंजस। आस येसुसिन बाचस, “अना उर्बायो! नीन गा उर्मिन अख़दय। नीन इदन हूँ अख़दय का निंगन ऎन चोन्‍हा नन्‍दन।” येसुस आसिन बाचस, “नीन एंग्‍है भेंडो गुट्ठिन ओन्‍त'आ।

यॊहनस 21:17 ပူးပေါင်းရင်းမြစ်များ

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मरकुस 14:72

ख़ने लॆम दुई हॆल ख़ॆर चींख़िया। ख़ने पतरस गे येसुसी आ बाचका कत्‍था सुरता बरचा, “पारेंड़ मून्‍द ख़ॆर चींख़ना ही मुन्‍द नीन तीन हॆल एंगन बलदन ब'ओय।” ख़ने आस इदन सोच'अरकी चींख़ा हेलरस।

यॊहनस 12:8

कीड़र गा निम्‍है गने सगर घड़ी र'अनर, लिकिन ऎन निम्‍है गने सगरो मल र'ओन।”

यॊहनस 13:38

येसुस आसिन बाचस, “नीन एंगा गे निंग्‍है जियन हूँ चि'ओय का? निंगन ऎन मानिम ब'अदन, ख़ॆर चींख़ना ती मुन्‍द तीन हॆल नीन एंगन बलदन ब'ओय।”

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 16:30

अक्‍कु ऎम अख़दम का नीन उर्मिन अख़दय, नॆ हूँ निंगन मेना गे चाड़ मल्‍ला। इत्रु ती ऎम पत्त'अदम का नीन धर्मेस ती उरखकय बरचकादय।”

यॊहनस 18:27

ख़ने पतरस अउर हूँ अदिन नटचस। अरा आ बारिम ख़ॆर चींख़िया।

यॊहनस 18:4

येसुस तंग्‍है मइय्याँ मन्‍ना उर्मी कत्‍थन अक्‍खस ती बहरी केरस ती आरिन मेंजस, “नीम नॆकन बेद्ददर?”

यॊहनस 21:18

ऎन निंगन मानिम ब'अदन, नीन निंग्‍है जॊंख़ परिया नू नीनिम अत्ता लिक्‍कय, अरा एक्‍सन काला तुक्‍का लगिया असन काला लिक्‍कय। लिकिन नीन पच्‍चोय ख़ने, नीन निंग्‍है ख़ेक्खा गुट्ठिन लमाब'ओय अरा नन्‍नस निंगन अत्त'ओस, अरा एक्‍सन नीन काला मल बेद्ददय असन आस निंगन हो'ओस।”

यॊहनस 4:16

येसुस अदिन बाचस, “कलय, निंग्‍आलासिन इसन मॆख़य ओन्‍द्र'अय।”

त‍इरकर 1:24

अरा आर एन्ने बिन्‍ती नंजर, “अना उर्बायो, नीन ओर्मर ही मनेन अख़दय, इदिन दहदर नना का इबड़र ती नॆकन चज्जिकादय,

त‍इरकर 11:10

एन्ने तीन खेप मंजा, अरा अदही ख़ॊख़ा अबड़ा ओर्मा मेर्ख़ा म‍इय्याँ होतारा केरा।

त‍इरकर 15:8

धर्मेस ओर्मर ही सोच आबोन अख़दस, आस आरिन इंझरस। अरा आस नमा गे एकासे नंजस अन्नेम आर गे नेम्‍हा बॊलतासिन चिच्‍चस ती तंग्‍है इंझ्रनन ऎदस।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

1 पतरस 1:6

ई नाड़रना ही पत्त नू नीम कोड़हे रिझ्रदर, अन्नु हूँ अक्‍कुन जोक्‍क बेड़ा गे निमा कैनो रकम ही खिलपत सहना ही चाड़ र'ई।

2 पतरस 3:1

अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।

दहदर मंजका कत्‍था 2:23

अरा ऎन अदही गने चॊंख़्र'उरिन पिटोन। होले उर्मी कलीसिया गुट्ठी अख़'ओ का जिया अरा मन गुट्ठी ही बिढ़'ऊ ऎनिम हिकदन। अरा ऎन नीम ओर्त ओर्त गे नीम नंजका नलख गुट्ठी ही लेक्खम किर्रत'ओन चि'ओन।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।