यॊहनस 21:12 - पुना गच्छरना NT (BSI)

¹² येसुस आरिन बाचस, “बरा, मॊख़ा” लिकिन चेला मधेर ती “नीन नॆ तंग्‍है?” एन्ने मेना गे नॆका हूँ डिढ मल मंजा। एन्‍देरगेका आर अक्खर का आस उर्बस हिकदस।

यॊहनस 21:12 ပူးပေါင်းရင်းမြစ်များ

मत्तायोस 22:46

अरा नॆ हूँ इदही पत्त नू ओन कत्‍था हूँ आनाकिर्त'आ पोल्‍लर। अउला ती नॆका हूँ फिन आसिन मेना गे डिढ मल मंजा।

मरकुस 9:32

लिकिन चेलर इबड़ा कत्‍थन मल बुझ्रर, ती आर ई पत्त नू आसिन मेना गे हूँ इल्चियर।

लू‍कस 9:45

लिकिन आर ई कत्‍थन मल बुझ्रर‍ अरा ईद ही माने आर गे नूख़्रकी रहचा का आर अदिन अम्‍बोर अख़'आ, अरा आर ई कत्‍था ही पत्त नू आसी ती मेना गे एल्‍चा लगियर।

यॊहनस 16:19

येसुस अक्‍खस का आर इदही पत्त नू तंगन मेना बेद्दनर। ख़ने आस आरिन बाचस, “‘एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर’ एन्ने ऎन बाचकन, इदही मने एन्‍देर एन्ने नीम ओर्त ओर्त नू मेना लगदर का?

यॊहनस 21:11

सिमॊन पतरस डोंगा नू अरगियस ती जल्‍लिन पिंडी नू नतकियस ओन्‍द्रस। अइय्या ओन सौ तिरपन गोट कोहाँ इंजो रहचा। अरा एन्ने ई बग्‍गे इंजो गुट्ठी र'अना ती हूँ जल्‍ली मल चर्रा।

यॊहनस 21:15

आर मोक्‍का ख़ॊख़ा येसुस सिमॊन पतरसिन मेंजस, “अना सिमॊन, यॊहनसी ख़द्दायो! नीन ईरहिन्‍ती एंगन कोड़हे चोन्‍हा नन्‍दय का?” आस बाचस, “हाँ उर्बायो! ऎन निंगन चोन्‍हा नन्‍दन नीन अख़दय।” आस पतरसिन बाचस, “एंग्‍है भेंडो ख़द्द गुट्ठिन ओन्‍त'आ।”

यॊहनस 4:27

आ बारिम आसी चेलर किर्रियर बरचर अरा आसिन ओन्‍टा आली गने कछनख्रनन ईरियर ती अनचकरर। अन्नु हूँ नॆ हूँ मल मेंजर का नीन एन्‍देर बेद्ददय? महले नीन ई आली गने एन्‍देरगे कछनख्रदय?

त‍इरकर 10:41

ओर्मा आलर गे मला, लिकिन नॆकन धर्मेस मुन्‍द तिम चज्जिका रहचस आ गोवाह गुट्ठिर गे आसिन दहदर नंजस। आ गोवाह ऎम हिकदम। आसी केचका ती उज्‍जा चॊचका ख़ॊख़ा ऎम आसी गने ओंडकम मोक्‍कम।