यॊहनस 20:9 - पुना गच्छरना NT (BSI)

⁹ एन्‍देरगेका “येसुस केचका ती उज्‍जा चो'अना दिम र'ई” एन्ने नेम्‍हा पुथी नू लिख्रका कत्थन आर अक्‍कु गूटी मल बुझ्रका रहचर।

यॊहनस 20:9 ပူးပေါင်းရင်းမြစ်များ

मत्तायोस 22:29

येसुस आरिन आनाकिर्ताचस, “नीम नेम्हा पुथी नू उज्‍जा चो'अना ही पत्त नू एन्‍देर लिख्रकी र'ई अदिन बलदर अरा धर्मेस एन्‍देर नना ओंग्‍दस अदन हूँ बलदर, ई चड्डे नीम अन्नेम मलदौ सोचदर।

लू‍कस 24:26

एन्‍देर ईद चाड़ मल रहचा का मसीस गे एन्ने इबड़ा खिलपतन चॊद'अरकी तंग्‍है महबा नू कोर'ओस?”

लू‍कस 9:45

लिकिन आर ई कत्‍थन मल बुझ्रर‍ अरा ईद ही माने आर गे नूख़्रकी रहचा का आर अदिन अम्‍बोर अख़'आ, अरा आर ई कत्‍था ही पत्त नू आसी ती मेना गे एल्‍चा लगियर।

यॊहनस 2:22

येसुसी ई बाचका कत्‍था येसुस केचका ती उज्‍जा चॊचका ख़ॊख़ा आसी चेलर गे सुरता बरचा। अरा आर नेम्‍हा पुथिन अरा येसुसी बाचका कत्‍थन पत्ताचर।

त‍इरकर 17:3

अरा आस अबड़ा ही माने आबोन बुझाब'आ लगियस अरा पुरुब नंजस का मसीस गे दुक्‍खे चॊदना अरा केचका ती उज्‍जा चो'अना दिम रहचा, अरा ऎन निमन ई येसुसी पत्त नू तेंगदन, ईस दिम मसीस हिकदस एन्ने बाचस।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

1 कोरिन्‍थ 15:4

अरा आस मसड़ा नू उइतारस। अरा नेम्‍हा पुथी नू लिख्रका लेक्‍खा तिसर उल्‍ला उज्‍जा चॊचस।