यॊहनस 20:30 - पुना गच्छरना NT (BSI)

³⁰ येसुस तंग्‍है चेलर ही मुन्‍दहारे अउरिम नगदे अजगुत नलख नंजस, अबड़ा ई पुथी नू मल लिख्रकी र'ई।

यॊहनस 20:30 ပူးပေါင်းရင်းမြစ်များ

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 21:25

येसुस अउर हूँ कोड़हे नलख नंजस। ऎन सोचदन का, अबड़न उर्मिन ओन्‍टे ओन्‍टे लिखना होले, लिखचका पुथी गोट्टा ख़ॆख़ेल नू मल सम'ओ दने।

यॊहनस 6:2

ओन्‍टा कोहाँ गोंहड़ा आसी ख़ॊख़ा कालिया, एन्‍देरगेका आस रोगियारिन कोड़े नंजस ती अजगुत नलख ही चिन्‍हा ऎदकाचस, अदिन आर ईरका रहचर।

रोमी 15:4

ऎ बग्‍गे कत्‍था मुन्‍द लिख्रकी र'ई अबड़ा नमा सिख्र'आ गेम लिख्रकी र'ई। नेम्‍हा पुथी नमा गे कयास दरा रिझ्रनन चि'ई। होले नाम असरा नना ओंग्दत।

1 कोरिन्‍थ 10:11

नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।

1 यॊहन 5:13

धर्मेसी ख़द्दासी नामे नू पत्त'ऊ निमा गे ऎन इबड़ा कत्थन लिखचकादन। होले नीम अख़'आ ओंग्दर का निमा गे जनमजुग ही उज्जना र'ई।