यॊहनस 20:29 - पुना गच्छरना NT (BSI)

²⁹ तहाँ येसुस आसिन बाचस, “नीन एंगन ईरकादय, औंगे नीन एंगन पत्ताचकय। एंगन बिगर ईरका ती नॆ एंगन पत्त'अनर आरिन धर्मेस बरकत ननोस।”

यॊहनस 20:29 ပူးပေါင်းရင်းမြစ်များ

मत्तायोस 13:16

लिकिन नीम आसीस ख़क्‍खू र'अदर, एन्‍देरगेका नीम एंग्‍है अकबक नलखन ऎरदर। अरा नीम आसीस ख़क्‍खू र'अदर, एन्‍देरगेका निमन अबड़ा ही मनेन बुझ्र'आ गे धर्मेस संगरा नन्‍दस।

लू‍कस 1:45

नीन तकदीर आली हवे, एन्‍देरगेका नीन पत्ताचकी का उर्बस निंग्‍है गुसन बाचका कत्‍था अन्नेम मनो।”

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 20:8

फेन मसड़ा नू मुन्‍द अंड़सका नन्‍ना चेलस हूँ भितरी कोरचस। आस ईरियस ती पत्ताचस।

यॊहनस 4:48

ख़ने येसुस आसिन बाचस, “नीम गा चिन्‍हा अरा अजगुत नलख गुट्ठिन बिगर ईरका इक्‍ला हूँ मल पत्त'ओर।”

2 कोरिन्‍थ 5:7

एन्‍देरगेका नाम ईरका कत्‍था ती मला पत्त'अना ती ऎकदत।

इब्रानी 11:1

पत्त'अना गा नम्‍हा असरा नंजका आलॊ गुट्ठी मानिम नू मनो दिम एन्ने थितगर हवे, अरा मल ऎथ्रना कत्‍था गुट्ठी ही साबूत हवे।

इब्रानी 11:27

पत्त'अना ती आस बॆलासी खींस ती मल इल्‍चियस ती मिसर राजिन अम्‍बियस ती उरखस केरस। अरा आस मल ऎथ्र'ऊ धर्मेसिन ईरका बेसे ठिमठिम ने रहचस।

इब्रानी 11:39

इबड़ा ओर्मर तम्‍है पत्त'अना ती बॆस नामे ख़क्‍खियर। अन्नु हूँ इबड़र नॆ हूँ धर्मेसी गच्‍छरका जिनिसन मल ख़क्‍खियर।

1 पतरस 1:8

आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।