यॊहनस 20:26 - पुना गच्छरना NT (BSI)

²⁶ आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

यॊहनस 20:26 ပူးပေါင်းရင်းမြစ်များ

मत्तायोस 17:1

छे उल्‍ला ही ख़ॊख़ा येसुस पतरस अरा याकॊब अरा आसी भइय्योस यॊहनसिन तंग्‍है गने ओन्‍टा मेच्‍छा परता म‍इय्‍याँ होच्‍चस।

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

लू‍कस 24:36

आर इबड़ा कत्‍थन ब'अम लगियर, येसुस तानिम आर ही मझी नू इज्‍जस अरा बाचस, “धर्मेस निमन कोड़े उइय्दस नेकअन।”

लू‍कस 9:28

इबड़ा कत्‍था तेंगना ही आठ उल्‍ला ख़ॊख़ा येसुस पतरस अरा यॊहन‍ अरा याकॊबसिन तंग्‍है गने होच्‍चस ती परता म‍इय्याँ बिन्‍ती नना गे केरस।

यॊहनस 11:16

ख़ने तॊमस नॆकन दिदुमोस हूँ ब'अनर, आस तंग्‍है संगे चेलारिन बाचस, “गुचा, आस गने नाम हूँ खे'आ गे क'ओत।”

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 21:1

इदही ख़ॊख़ा अउरिम येसुस तंगन तंग्‍है चेलारिन तिबेरया समुदर पिंडी नू ऎथ्रस। आद एन्ने मंजा।

यॊहनस 21:14

येसुस केचका ती उज्‍जा चॊचस ती तंग्‍है चेलर गे ऎथ्रना, ईद तिसर खेप हवे।

त‍इरकर 1:3

येसुस दुक्‍खे भोगचका अरा केचका ख़ॊख़ा आर गे कोड़हे सबुत ऎदस का तान उज्‍जालदस। अरा आर गे बग्गे हॆल चालीस उल्‍ला गूटी ऎथ्रते रहचस अरा धर्मेसी राजी ही पत्त नू कछनख्रते रहचस।