यॊहनस 20:25 - पुना गच्छरना NT (BSI)

²⁵ ख़ने नन्‍ना चेलर आसिन ब'आ लगियर, “ऎम उर्बासिन ईरकादम।” लिकिन आस बाचस, “एका गूटी ऎन आसी ख़ेक्खा गुट्ठी नू काँटी ही भोंकन मल ऎरोन, अरा काँटी ही भोंका नू एंग्‍है अंगठिन मल सज'ओन, अरा आसी पंजर नू एंग्‍है ख़ेक्खन मल सज'ओन, आ गूटी मल पत्त'ओन।”

यॊहनस 20:25 ပူးပေါင်းရင်းမြစ်များ

मत्तायोस 27:42

“ईस नन्नारिन बछाबाचस अन्‍ति तंगन बछाब'आ पोलदस। ईस तंगन इस्राऎल ही बॆलस बाचस, अक्‍कु क्रुस म‍इय्‍याँ ती एत्तोस बर'ओस होले, ऎम आसिन पत्त'ओम।

मरकुस 16:11

एकाबारी आर मेंजर का येसुस उज्‍जा चॊचस अरा आसिन आद ईरिया, लिकिन आर इदन मल पत्ताचर।

मरकुस 16:13

आर किर्ररकी बछरकर गे इदन तिंगियर। लिकिन आर आरिन मल पत्ताचर।

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

लू‍कस 24:25

ख़ने येसुस आरिन बाचस, “अना लूर मलका आलारो, अरा धर्मेसी कत्‍था तिंगुर ही उर्मी बाचकन पत्त'अना नू भकुवा आलारो!

यॊहनस 1:41

अन्‍द्रेयस मुन्‍द तंग्‍है भ‍इय्योस सिमॊनस गने भेंट मंजस ती बाचस, “ऎम मसीसिन ख़क्‍खकादम।” (मसीसिन ‘ख़्रिसतोस’ एन्ने हूँ ब'अनर।)

यॊहनस 20:27

तहाँ आस तॊमासिन बाचस, “निंग्‍है अंगठिन इसन सज'आ, अरा एंग्‍है ख़ेक्खा गुट्ठिन ऎरा, अरा निंग्‍है ख़ेक्खन एंग्‍है पंजर नू सज'आ। अरा मल पत्त'ऊ अमा मना, लिकिन पत्त'ऊ मना।”

यॊहनस 21:7

ख़ने नॆकन येसुस चोन्‍हा नना लगियस आ चेलस पतरसिन बाचस, “ईस गा उर्बस हिकदस!” ईस गा उर्बस एन्ने आसी ब'अनन सिमॊन पतरस मेंजस ख़ने, आस बहरी ता किचरी मल अत्तका चड्डे थालरन पोज्‍जरस। तहाँ अम्मु नू डेघचस अरा पिंडी तरा ऒगालियस।

यॊहनस 6:30

ख़ने आ आलर आसिन मेंजर, “होले नीन एमा एका अजगुत नलख ही चिन्‍हन ऎद'ओय का अदिन ऎम ऎरोम ती निंगन पत्त'आ ओंग्‍दम? नीन एन्‍देर ननोय?

इब्रानी 3:12

अना भ‍ईरो! नीम चिहुंक र'आ। निम्‍है ती नॆखा हूँ मलदौ अरा मल पत्त'अना ही जिया अम्‍बन मना, एकदा निमन उज्‍जना धर्मेस ती तरकूटी ननो।

इब्रानी 3:18

अरा आस नॆख‍अय ती किरया मोक्‍खस का आर तंग्‍‍है ख़न्न ऎख़्रना अड्डा नू इकला हूँ कोर'आ पोल्‍लोर? नॆ आसिन मल पॆस्रनर आर ही पत्त नू आस एन्ने बाचस।