यॊहनस 20:22 - पुना गच्छरना NT (BSI)

²² अरा एन्ने बाचस ती आस आर ही मइय्याँ ऊरचस ती बाचस, “नेम्‍हा बॊलतासिन इंझ्र'आ।

यॊहनस 20:22 ပူးပေါင်းရင်းမြစ်များ

यॊहनस 14:16

अरा ऎन बंगस गुस्‍ते ने'ओन, अरा आस निमा अउर ओन्‍टा सालत'उसिन चि'ओस। आस सगरो निम्‍है गने र'ओस।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 20:23

नीम नेख'अम ही पाप गुट्ठिन अम्‍बदर होले, अबड़ा आर गे अम्बतार'ओ। नीम आर ही पाप गुट्ठिन मल अम्‍बदर होले, अबड़ा आर गे मल अम्‍बतार'ओ।”

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

त‍इरकर 10:47

“ईर गे नम्‍है लेक्‍खम नेम्‍हा बॊलतस ख़क्‍ख्रका र'अदस, होले नेक‍ईम ईरिन अम्मु ती नॊड़रना ती छेक'आ ओंगोर का?”

त‍इरकर 19:2

पौलुस आरिन मेंजस, “नीम पत्ताचका बेड़ा नू नेम्‍हा बॊलतासिन ख़क्‍खकर का?” अबड़र बाचर, “मला, ऎम गा नेम्‍हा बॊलतस र'अदस एन्ने इकला हूँ मलम मेंजकम।”

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

त‍इरकर 4:8

ख़ने पतरस नेम्‍हा बॊलतस नू मंजस ती आरिन बाचस, “आलर ही मुद्धारो अरा सेयान आलारो!

त‍इरकर 8:15

आर इरबर असन केरर ती आर समारिया आलर गे नेम्‍हा बॊलतासिन ख़क्‍खा गे गोहरारर।

गलातिया 3:2

ऎन निम्‍है ती ओन्‍टा कत्‍था ही पत्त नू अख़'आ बेद्ददन का एकासे नेम्‍हा बॊलतासिन नीम इंझ्रकर? मूसासी नॆगन नन्ना ती निमा गे बॊलतस ख़क्‍ख्रस का महले नीम मेंजका येसु मसीसी दौ कत्‍थन पत्त'अना ती ख़क्‍खरस का?