यॊहनस 20:21 - पुना गच्छरना NT (BSI)

²¹ फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 20:21 ပူးပေါင်းရင်းမြစ်များ

मत्तायोस 10:16

ऎरा! कला, ऎन निमन भेंडो लेक्‍खा भुसुड़ गुट्ठी ही मझी नू त‍इय्‍दन। औंगे नेर्रे गुट्ठी लेक्‍खा लूरगर अरा पेरवाँ गुट्ठी लेक्‍खा लुद‍ऊ मना।

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

लू‍कस 24:36

आर इबड़ा कत्‍थन ब'अम लगियर, येसुस तानिम आर ही मझी नू इज्‍जस अरा बाचस, “धर्मेस निमन कोड़े उइय्दस नेकअन।”

यॊहनस 13:20

ऎन निमन मानिम ब'अदन, ऎन तइय्‍का नॆक'अनिम नॆ इंझ्रदस, आस एंगन हूँ इंझ्रदस। अरा नॆ एंगन इंझ्रदस, आस एंगन नॆ तइय्कादस आसिन हूँ इंझ्रदस।”

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 20:22

अरा एन्ने बाचस ती आस आर ही मइय्याँ ऊरचस ती बाचस, “नेम्‍हा बॊलतासिन इंझ्र'आ।

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

त‍इरकर 1:2

आस तान चज्‍जियस अबड़ा त‍इरकर गे नेम्‍हा बॊलतस ती पॆसका चिच्का ती मेर्ख़ा होतारना गूटी येसुस नंजका अरा सिखाबाचका उर्मी कत्‍थन अइय्यम लिखचकन।

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

3 यॊहन 1:14

एंगा असरा र'ई का, ऎन लॆम निंग्है गुसन बर'ओन ती ऎरोन। अरा नाम छम्‍हा छम्‍हें कछनख्र'आ ओंगोत।