यॊहनस 20:20 - पुना गच्छरना NT (BSI)

²⁰ अरा आस इदन बाचस ती तंग्‍है ख़ेक्खन अरा पंजरन आर गे ऎदस। ख़ने उर्बासिन ईरियर ती चेलर रिझ्र'आ हेलरर।

यॊहनस 20:20 ပူးပေါင်းရင်းမြစ်များ

मत्तायोस 28:8

अबड़ा मुक्‍कर इल्चका अरा रिझ गने मसड़ा ती लॆम किर्रियर ती येसुसी चेलारिन इदन तेंगा गे बुंगनुम केरर।

यॊहनस 16:20

ऎन निमन मानिम ब'अदन, नीम चींख़ोर ओलख़ोर अरा खोबरार'ओर, लिकिन ख़ॆख़ेल रिझ्र'ओ। नीम दुक्‍खे मनोर, लिकिन निम्‍है दुक्‍खे रिझ मनो।

यॊहनस 16:22

ई लेक्‍खम नीम हूँ अक्‍कु सस्‍ती सारदर, लिकिन ऎन निमन फेन ऎरोन, ख़ने नीम रिझ्र'ओर। निमन ती निम्‍है रिझ्रनन नॆ हूँ पोल्‍लोर बच्‍चा।

यॊहनस 19:34

लिकिन सैनर ती ओर्तोस आसी पंजरन बरछी ती जोबचस, ख़ने लॆम ख़ॆंस अरा अम्मु उरखा।

यॊहनस 20:25

ख़ने नन्‍ना चेलर आसिन ब'आ लगियर, “ऎम उर्बासिन ईरकादम।” लिकिन आस बाचस, “एका गूटी ऎन आसी ख़ेक्खा गुट्ठी नू काँटी ही भोंकन मल ऎरोन, अरा काँटी ही भोंका नू एंग्‍है अंगठिन मल सज'ओन, अरा आसी पंजर नू एंग्‍है ख़ेक्खन मल सज'ओन, आ गूटी मल पत्त'ओन।”

यॊहनस 20:27

तहाँ आस तॊमासिन बाचस, “निंग्‍है अंगठिन इसन सज'आ, अरा एंग्‍है ख़ेक्खा गुट्ठिन ऎरा, अरा निंग्‍है ख़ेक्खन एंग्‍है पंजर नू सज'आ। अरा मल पत्त'ऊ अमा मना, लिकिन पत्त'ऊ मना।”

1 यॊहन 1:1

उज्जना चि'ऊ कत्था र'अदस, आसी पत्त नू ऎम निमा गे मेन्त'अदम। आस ऒर तिम रहचस। आसिन दिम ऎम मेंजकादम, अरा एम्है ख़न्न ती ईरकादम, अरा आसिन ऎम मानिम नू ईरकादम, अरा आसिन एम्है ख़ेक्खा गुट्ठी ती एंवसड़कम।