यॊहनस 20:2 - पुना गच्छरना NT (BSI)

² ख़ने आद बुंगनुम सिमॊन पतरस अरा नन्‍ना चेलस गुसन बरचा, नॆकन येसुस चोन्‍हा नना लगियस। अरा आरिन बाचा, “आर उर्बासी मॆदन मसड़ा ती ओथ्रर ती होच्‍चर केरर, अरा एक्‍सन उइय्का र'अनर ऎम बलदम।”

यॊहनस 20:2 ပူးပေါင်းရင်းမြစ်များ

यॊहनस 13:23

चेलर ती ओर्तोस, नॆकन येसुस चोन्‍हा नंजस, आस येसुसी धरी नू उक्‍का रहचस।

यॊहनस 19:26

येसुस तंग्‍योन अरा आस चोन्‍हा नंजका चेलासिन हेद्दे इज्‍जका ईरियस ख़ने, आस तंग्‍योन बाचस, “अनय आली ऎरय, ईस निंग्‍दस।”

यॊहनस 20:13

अरा मेर्ख़ा पैकर अदिन मेंजर, “अनय आली! नीन एन्‍देरगे चींख़ा लगदी?” आद बाचा, “आर एंग्‍है उर्बासिन होच्‍चर केरर, अरा एक्‍सन उइय्‍का र'अनर ऎन बलदन।”

यॊहनस 20:15

ख़ने येसुस अदिन बाचस, “अनय आली, नीन एन्‍देरगे चींख़ालदी? नॆकन बेद्दालदी?” मरियम आसिन बटकी ख़पुस बाचा ती आसिन बाचा, “उर्बायो, नीन आसिन होच्‍चकादय होले, तेंगा एक्‍सन उइय्‍कादय, अरा ऎन आसिन हो'ओन।”

यॊहनस 20:9

एन्‍देरगेका “येसुस केचका ती उज्‍जा चो'अना दिम र'ई” एन्ने नेम्‍हा पुथी नू लिख्रका कत्थन आर अक्‍कु गूटी मल बुझ्रका रहचर।

यॊहनस 21:20

पतरस किर्रे ईरियस ती नॆकन येसुस चोन्‍हा ननालियस आ चेलासिन ख़ॊख़ा बरना इरियस। ई चेलस दिम माख़ा ही खुड़ती ओनो बारी येसुसी एंवख़ नू ठेकारस ती मेंजस, “अना उर्बायो, निंग्‍है बिड़दो नू पपहर गे संगे चि'उस एका ओर्तस?”

यॊहनस 21:24

आ चेलस दिम इबड़ा कत्‍था ही पत्त नू गोवाह चि'अरकी इबड़ा कत्‍थन लिखचस। ऎम अख़दम का आसी गोवाह मानिम र'ई।

यॊहनस 21:7

ख़ने नॆकन येसुस चोन्‍हा नना लगियस आ चेलस पतरसिन बाचस, “ईस गा उर्बस हिकदस!” ईस गा उर्बस एन्ने आसी ब'अनन सिमॊन पतरस मेंजस ख़ने, आस बहरी ता किचरी मल अत्तका चड्डे थालरन पोज्‍जरस। तहाँ अम्मु नू डेघचस अरा पिंडी तरा ऒगालियस।