यॊहनस 20:19 - पुना गच्छरना NT (BSI)

¹⁹ अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 20:19 ပူးပေါင်းရင်းမြစ်များ

मत्तायोस 10:13

अरा आ एड़पा जॊगे र'ओ होले निम्‍है बरकत अदही मइय्याँ मनो। लिकिन आ एड़पा जॊगे मल र'ओ होले निम्‍है बरकत निम्‍है गुसन किर्रो क'ओ।

मत्तायोस 18:20

एन्‍देरगेका एक्‍सन ऎनोटा महले मूनोटा आलर एंग्‍है नामे ती ख़ॊड़्रनर असन ऎन आर ही मझी नू र'अदन।”

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 16:22

ई लेक्‍खम नीम हूँ अक्‍कु सस्‍ती सारदर, लिकिन ऎन निमन फेन ऎरोन, ख़ने नीम रिझ्र'ओर। निमन ती निम्‍है रिझ्रनन नॆ हूँ पोल्‍लोर बच्‍चा।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

यॊहनस 21:1

इदही ख़ॊख़ा अउरिम येसुस तंगन तंग्‍है चेलारिन तिबेरया समुदर पिंडी नू ऎथ्रस। आद एन्ने मंजा।

यॊहनस 21:14

येसुस केचका ती उज्‍जा चॊचस ती तंग्‍है चेलर गे ऎथ्रना, ईद तिसर खेप हवे।

यॊहनस 7:13

अन्नु हूँ यहूदी मुद्धर ही इलिच्‍क'आ ती नॆ हूँ आसी पत्त नू हरकट मल ब'आ लगियर।

त‍इरकर 1:3

येसुस दुक्‍खे भोगचका अरा केचका ख़ॊख़ा आर गे कोड़हे सबुत ऎदस का तान उज्‍जालदस। अरा आर गे बग्गे हॆल चालीस उल्‍ला गूटी ऎथ्रते रहचस अरा धर्मेसी राजी ही पत्त नू कछनख्रते रहचस।

रोमी 15:33

कोड़े ही धर्मेस निम्‍है ओर्मर गने र'अदस नेकअन। आमेन।

1 कोरिन्‍थ 15:5

अरा आस पतरस गे अरा ख़ॊख़ा बारो चेलर गे ऎथ्रस।

इफेसुस 2:14

एकासे का मसीस दिम नम्है मइय्याँ कोड़े ओन्द्रस, आसिम यहूदीरिन अरा नन-यहूदीरिन मेसाबाचस ती इरबर ही मझी नू रहचका बैरी ही भीत आबोन तंग्है मॆदन दाँड़े चिच्का ती धंस्‍सस चिच्‍चस।

इफेसुस 6:23

धर्मे बंगस अरा उर्बस येसु मसीस तरती नीम उर्मी भइय्योर गे सान्‍ति अरा पत्त'अना गने ता चोन्‍हा ख़खख्र'अन नेकअन।

फिलिप्‍पी 1:2

नम्‍है धर्मे बबस अरा उर्बस येसु मसीस ती निमा गे मया अरा सान्ति ख़क्‍ख्र'अन नेकअन।

2 थेस्‍सलोनिकॆयर 3:16

अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

इब्रानी 7:2

तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।

3 यॊहन 1:14

एंगा असरा र'ई का, ऎन लॆम निंग्है गुसन बर'ओन ती ऎरोन। अरा नाम छम्‍हा छम्‍हें कछनख्र'आ ओंगोत।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,