यॊहनस 20:17 - पुना गच्छरना NT (BSI)

¹⁷ येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

यॊहनस 20:17 ပူးပေါင်းရင်းမြစ်များ

मत्तायोस 12:50

एन्‍देरगेका एका ओर्तर एंग्‍है मेर्ख़ा बंगासी मने लेक्‍खा ऎकनर, आरिम एंग्‍है भ‍ई अरा एंग्‍है बहिन अरा एंग्‍है अयंग हिकनर।”

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मत्तायोस 28:7

अक्‍कुन नीम लॆम कला ती आसी चेलारिन तेंगा का आस केचका ती उज्‍जा चॊचकादस। आस निमन ती मुन्‍द गलिलेया कालदस, असन नीम आसिन ऎरोर। ऎरा, ऎन निमन तिंका चिच्‍चकादन।”

मरकुस 12:26

नेम्हा पुथी नू एन्ने लिख्रकी र'ई का इकला धर्मेस मूसस गे लघरना ख़ोप्‍पा नू ऎथ्रस ख़ने आस बाचस, ‘ऎन अब्राहम अरा इसाक अरा याकॊबसी धर्मे हिकदन।’

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

लू‍कस 10:4

ढिबा अरा इन्द्रिइम जिनिस हो'अना ही झोला अरा खरपा अमके हो'आ, अरा डहरे नू नॆकन हूँ मोंजरा ननरकी बेड़न अमके नठाब'आ।

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 14:2

एम्‍बासी एड़पा नू ढ़ॆर बग्‍गे र'आ गे अड्डा र'ई, अन्ने मल रहचका होले, ऎन निमन बाचका र'ओन दने। ऎन असन निमा गे ओन्‍टा अड्डा सपड़'आ कालदन।

यॊहनस 14:28

ऎन निमन एन्ने ब'अना मेंजकर, ‘ऎन कालदन, अरा निम्‍है गुसन फेन बर'ओन।’ नीम एंगन चोन्‍हा नन्‍दर होले, नीम रिझ्र'ओर दने का ऎन बंगस गुसन किर्रदन कादन, एन्‍देरगेका बंगस एंगन ती कोहाँ र'अस।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 20:27

तहाँ आस तॊमासिन बाचस, “निंग्‍है अंगठिन इसन सज'आ, अरा एंग्‍है ख़ेक्खा गुट्ठिन ऎरा, अरा निंग्‍है ख़ेक्खन एंग्‍है पंजर नू सज'आ। अरा मल पत्त'ऊ अमा मना, लिकिन पत्त'ऊ मना।”

यॊहनस 7:33

येसुस बाचस, “ऎन जोक्‍क उल्‍ला लेका निम्‍है गने र'ओन, फेन एंग्‍है तइय्युस गुसन किर्रिम बि'ओन।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

2 कोरिन्‍थ 6:18

ऎन निमा बंग र'ओन, अरा नीम एंगा ख़द्दर अरा ख़द्दो र'ओर, उर्मी ती सवंगिय उर्बन ब'अदन।”

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

इब्रानी 11:16

लिकिन आर अदही ती ओन्टा कोड़हे बॆस देस मेर्ख़ा राजी ही चिबाख़ार'ऊ अरा पाब ईरू रहचर। ईगेम धर्मेस आर ही धर्मे बार'आ गे मल लज्रदस, एन्‍देरगेका आस आर गे ओन्‍टा नगरे सपड़ाचकादस।

इब्रानी 8:10

उर्बस फिन ब'अदस का, ‘अबड़ा उल्‍ला ही ख़ॊख़ा ऎन इस्राऎल आलर गने पुना गच्‍छरनन गच्‍छर'ओन, आद ईद का, ऎन एंग्‍है नॆग गुट्ठिन आर ही जिया नू उइय्योन अरा अबड़न आर ही जिया नू लिख'ओन, अरा ऎन आर ही धर्मे मनोन, अरा आर एंग्‍है आल मनोर।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

दहदर मंजका कत्‍था 21:3

फेन ऎन बॆल-गदिया ती एन्ने ब'अना ओन्टा जॊरसरिया ब'अनन मेजकन, “ऎरा, अक्कुन धर्मेसी डेरा आलर मझी नू र'ई। आस आर ही गने डेरा ननोस अरा अबड़र आसी आलर मनोर। अरा धर्मेस तानिम आर ही गने र'ओस ती आर ही धर्मे मनोस।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।