यॊहनस 20:16 - पुना गच्छरना NT (BSI)

¹⁶ येसुस अदिन बाचस, “मरियम!” आद पछली किर्रिया ती इब्रानी भखा नू बाचा, “रब्‍बुनी।” रब्‍बुनी मने गुरु हवे।

यॊहनस 20:16 ပူးပေါင်းရင်းမြစ်များ

मत्तायोस 14:27

लिकिन येसुस लॆम आर ही गने कछ‍नखरस ती बाचस, “डिढ नना! ऎन हिकदन, अमा एल्‍चा।”

मरकुस 10:51

ख़ने येसुस आसिन बाचस, “नीन एन्‍देर बेद्ददय का निंगा गे ऎन ननोन?” अन्‍धहास आसिन बाचस, “अना गुरु! ऎन ऎरा बेद्ददन।”

लू‍कस 10:41

लिकिन उर्बस अदिन आनाकिर्ताचस, “अनय मारथा, मारथा, नीन बग्‍गे कत्‍था ही तिहा ती कैरारकी र'अदी।

यॊहनस 1:38

येसुस किर्रिईरियस ती आरिन तंग्‍है गने चॊंख़्रनन ईरियस ती आरिन बाचस, “नीम एन्‍द्रन बेद्ददर?” आर आसिन बाचर, “अना रब्‍बी! नीन एसन र'अदय? (‘रब्‍बी’ ही मने ‘गुरु’।)”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 10:3

आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्‍है भेंडोन नामे पिंजदस ती मॆख़दस, अरा अबड़न बहरी कड़हाब'अदस।

यॊहनस 11:28

एन्ने बाचा ती आद किर्रिम बिच्‍चिया, अरा तंग्‍है बहिन मरियम आबोन कले कले मीख़िया ती बाचा, “गुरुस इसन र'अस, अरा निंगन मॆख़दस।”

यॊहनस 13:13

नीम एंगन ‘गुरु’ अरा ‘उर्बय’ एन्ने मॆख़दर, अरा एन्ने निम्‍है मॆख़ना ठ‍उकम हिके, एन्‍देरगेका ऎन आसिम हिकदन।

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 5:2

येरुसलॆम नू भेन्‍ड़ो बकड़े गुसन ओन्‍टा पोखारी रहचा, अदिन इब्रानी भखा नू “बॆतसता” ब'अनर। अदही ओनबेंड़र'आ पाँच गोटा झला रहचा।

यॊहनस 6:25

अबड़र समुदर ही आ फड़ा येसुसिन ख़क्‍खियर ती आसिन मेंजर, “अना गुरु! नीन इसन एकाबारी बरचकय?”

त‍इरकर 10:3

आस उन्‍दुल ओनबीड़ी तीन बजे ता बेड़ा नू ओन्‍टा देखार नू फरीफरी ईरियस का धर्मेसी पैकस बरचस ती बाचस, “कोरनेलियोस।”

त‍इरकर 9:4

ख़ने आस ख़ॆख़ेल नू खत्तरस अरा आस ओन्‍टा ब'अनन मेंजस, “स‍उल, स‍उल, नीन एंगन एन्‍देरगे सताब'आलदय?”