यॊहनस 20:15 - पुना गच्छरना NT (BSI)

¹⁵ ख़ने येसुस अदिन बाचस, “अनय आली, नीन एन्‍देरगे चींख़ालदी? नॆकन बेद्दालदी?” मरियम आसिन बटकी ख़पुस बाचा ती आसिन बाचा, “उर्बायो, नीन आसिन होच्‍चकादय होले, तेंगा एक्‍सन उइय्‍कादय, अरा ऎन आसिन हो'ओन।”

यॊहनस 20:15 ပူးပေါင်းရင်းမြစ်များ

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 28:5

आ पैकस मुक्‍कारिन बाचस, “अमा एल्‍चा, ऎन अख़दन का नीम क्रुस नू ठोकचका नासरेत ता येसुसिन बेद्दालदर।

मरकुस 16:6

आ पैकस आरिन बाचस, “अमा एल्चा, नीम क्रुस नू ठोकचका नासरेत ता येसुसिन बेद्ददर। आस इसन मलकस। आस केचका ती उज्‍जा चॊचस। आसी कीदका अड्डन ऎरा।

लू‍कस 2:44

आर सोच'आ लगियर का आस तम्‍है संगेर गने र'अस। आर उन्‍दुल ही डहरे ईक्‍काचर। अदही ख़ॊख़ा आर आसिन तम्‍है पाहियर नू अरा तम्‍है संगेर नू बेद्दा हेलरर।

लू‍कस 24:5

आर इल्‍चियर ती ख़ॆख़ेल तरा तुर'उ नंजर चिच्‍चर। तहाँ आ आलर आरिन बाचर, “नीम उज्‍जुसिन केचका नू एन्‍देरगे बेद्ददर?

यॊहनस 1:38

येसुस किर्रिईरियस ती आरिन तंग्‍है गने चॊंख़्रनन ईरियस ती आरिन बाचस, “नीम एन्‍द्रन बेद्ददर?” आर आसिन बाचर, “अना रब्‍बी! नीन एसन र'अदय? (‘रब्‍बी’ ही मने ‘गुरु’।)”

यॊहनस 18:4

येसुस तंग्‍है मइय्याँ मन्‍ना उर्मी कत्‍थन अक्‍खस ती बहरी केरस ती आरिन मेंजस, “नीम नॆकन बेद्ददर?”

यॊहनस 18:7

ख़ने येसुस अउरिम आरिन मेंजस, “नीम नॆकन बेद्ददर?” आर बाचर, “नासरेत ता येसुसिन बेद्ददम।”

यॊहनस 20:13

अरा मेर्ख़ा पैकर अदिन मेंजर, “अनय आली! नीन एन्‍देरगे चींख़ा लगदी?” आद बाचा, “आर एंग्‍है उर्बासिन होच्‍चर केरर, अरा एक्‍सन उइय्‍का र'अनर ऎन बलदन।”