यॊहनस 20:1 - पुना गच्छरना NT (BSI)

¹ हप्‍ता ही पहिल उल्‍ला मगदला पद्दा ता मरियम पह पहरना बेड़ा नू ऊख़ुर ऊख़ुर नुम मसड़ा गुसन बरचा। अरा मसड़न उर्दका पखनन मसड़ा ही बली ती टाँड़रका ईरिया।

यॊहनस 20:1 ပူးပေါင်းရင်းမြစ်များ

मत्तायोस 27:56

आर नू मगदला पद्दा ता मरियम अरा याकॊब अरा यॊसॆसी तंगियो मरियम अरा जेबदयुसी ख़द्दर ही तंगियो रहचर।

मत्तायोस 27:60

अरा तंग्‍है पुना मसड़ा नू कीदस, एकदा चचड़ी नू पत्तरकी कम्रकीचा। अरा मसड़ा ही बली नू ओन्‍टा कोहाँ पखनन उर्दियस ती किर्रिम बिच्‍चियस।

मत्तायोस 27:64

औंगे मसड़न ख़ापा गे पॆस'आ का तिसर उल्‍ला गूटी मसड़ा ख़ापतार'ओ। मलता एन्ने अम्‍बो मना आसी चेलर बर'ओर ती आसी मॆदन ख़ड़'ओर हो'ओर, अरा आलारिन ब'ओर का, ‘आस केचका ती उज्‍जा चॊचकादस।’ एन्ने मनो होले ई ख़ॊख़ा ता भोड़ मुन्‍द ता ती कोड़हे मलदौ मनो।”

मत्तायोस 27:66

औंगे आर ख़ापू आलारिन संगे होच्‍चर ती केरर, अरा पखना नू छपा नंजर ती मसड़न ख़ापियर।

मत्तायोस 28:1

ख़न्न ऎख़ना उल्‍ला मुंजियस ती हप्‍ता ही मुन्‍द उल्‍ला बिज्‍जा गनेम मरियम मगदलेनी अरा नन्‍ना मरियम मसड़न ऎरा बरचर।

मत्तायोस 28:2

आ बारी कोड़हे ख़ॆख़ेल नुक्रना मंजा, एन्‍देरगेका उर्बासी ओन्‍टा पैकस मेर्ख़ा ती इत्तियस अरा मसड़ा हेद्दे बरचस ती पखनन ताड़चस अरा अइय्या उक्‍कियस।

मरकुस 15:46

ख़ने यॊसॆफस ओन्‍टा दिगहा कफन किचरिन ख़ीन्‍दियस अरा येसुसी मॆदन एत्त‍'अरकी अइय्‍या मुसगियस अरा ओन्‍टा मसड़ा नू कीदस, एकदा चचड़ी नू पत्तरकी कम्रकीचा। अरा मसड़ा ही बली नू ओन्‍टा पखनन उर्दियस चिच्‍चस।

मरकुस 16:9

हप्‍ता ही पहिल उल्‍ला एतवार ख़ॆर चींख़ना बेड़ा येसुस केचका ती उज्‍जा चॊचस, अरा आस मुन्‍द मरियम मगदलेनी गे ऎथ्रस, अदही म‍इय्‍याँ ती सात गोटंग नादन आस ओथ्रकाचस।

यॊहनस 11:38

येसुस जिया ती अउरिम कोड़हे हेंदवारस अरा मसड़ा गुसन बरचस। आद ओन्‍टा ख़ोल रहचा, अरा अइय्या ओन्‍टा पखनन उर्दका रहचा।

यॊहनस 11:41

ख़ने आर पखनन टाँड़चर। फिन येसुस म‍इय्‍याँ मॆन ईरियस ती बाचस, “अना बंगायो, ऎन निंगन धन्‍यवाद नन्‍दन का एंग्‍हैन नीन मेंजका र'अदय।

यॊहनस 19:25

येसुसी क्रुस ही हेद्दे येसुसी तंग्‍यो, अरा आसी तंग्‍यो ही तंग्‍ड़ी, अरा क्‍लॊपासी तंग्‍आली मरियम, अरा मगदला पद्दा ता मरियम इज्‍जका रहचर।

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

त‍इरकर 20:7

हप्‍ता ही पहिल उल्‍ला ऎम अइय्या ता पत्त'ऊ आलर गने असमा किच्‍चा गे ख़ॊंड़रकम। दोसर उल्‍ला पौलुस किर्रिमबि'आ गे रहचस ख़ने आस आर ही गने कछनख्रतेम र'आलियस। अरा आस अधा माख़ा गूटी कछनख्रस।

1 कोरिन्‍थ 16:2

उर्मी हप्‍ता ही पहिल उल्‍ला नीम ओर्त ओर्त तंग्‍है अर्जाचका ती जोक्को भिने उइय्‍के, अरा अदन सैत'आ। औंगे ऎन बरना बेड़ा नू दान ख़ॊजना ही चाड़ मल मनो।

दहदर मंजका कत्‍था 1:10

उर्बासी उल्‍ला नू ऎन नेम्हा बॊलतासी आकुस नू मनरकी महबा नना लिक्कन ख़ने, एंग्है ख़ॊख़ा तरा पेंड़हे ही ख़रख़ना लेक्‍खा जॊरसरिया सड़न मेंजकन।