यॊहनस 2:4 - पुना गच्छरना NT (BSI)

⁴ ख़ने येसुस अदिन बाचस, “अनय आली! इदिन एंगन एन्‍देरगे तेंगालदी? अक्‍कुन एंग्‍है बेड़ा अरगी अंड़सा।”

यॊहनस 2:4 ပူးပေါင်းရင်းမြစ်များ

मत्तायोस 15:28

तहाँ येसुस आनाकिर्ताचस, “अनय ख़द्दो, निंग्‍है पत्त'अना कोहाँ र'ई, एकन्ने नीन बिद्दिन अन्नेम निंगा मनन।” अरा तंग्‍दा आ बारिम कोड़े मंजा केरा।

मत्तायोस 8:29

आर चिच्चियारर ती बाचर, “धर्मेसी ख़द्दायो, एम्‍है गने निंग्‍है एन्‍देर नलख? एन्‍देर नीन एमन बेड़ा ती मुन्‍द दुक्‍खे चि'आ बरचकादय।”

लू‍कस 2:49

येसुस आरिन बाचस, “नीम एंगन एन्‍देरगे बेद्दालिक्‍कर? नीम बल्‍दर का एंगा एम्‍बासी एड़पा नू र'अना दिम र'ई?”

यॊहनस 12:23

येसुस बाचस, “मनवा ख़द्दासी महबा मन्‍ना ही बेड़ा अंड़सकी र'ई।

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 2:3

अंगुर रासी मुंज्रा ख़ने, येसुसी तंग्‍यो आसिन बाचा, “ईर ही गुसन अंगुर रासी मुंज्रा।”

यॊहनस 20:13

अरा मेर्ख़ा पैकर अदिन मेंजर, “अनय आली! नीन एन्‍देरगे चींख़ा लगदी?” आद बाचा, “आर एंग्‍है उर्बासिन होच्‍चर केरर, अरा एक्‍सन उइय्‍का र'अनर ऎन बलदन।”

यॊहनस 20:15

ख़ने येसुस अदिन बाचस, “अनय आली, नीन एन्‍देरगे चींख़ालदी? नॆकन बेद्दालदी?” मरियम आसिन बटकी ख़पुस बाचा ती आसिन बाचा, “उर्बायो, नीन आसिन होच्‍चकादय होले, तेंगा एक्‍सन उइय्‍कादय, अरा ऎन आसिन हो'ओन।”

यॊहनस 7:30

तहाँ जोक्क आलर येसुसिन हें'आ बेद्द लगियर, लिकिन नॆ हूँ आसिन धर'आ गे मुन्‍द मल बरचर, एन्‍देरगेका अक्‍कुन गूटी आसी ठौका बेड़ा मल अंड़सकीचा।

यॊहनस 7:6

ख़ने येसुस आरिन बाचस, “अक्‍कुन गूटी एंगा गे ठौका बेड़ा मल अंड़सकी र'ई, लिकिन उर्मी बेड़ा गा निमा ठौका र'ई।

यॊहनस 7:8

नीम ई परब नू कला। ऎन अक्‍कु ई परब नू मल कादन, एन्‍देरगेका अक्‍कुन गूटी एंगा गे ठौका बेड़ा मल अंड़सकी र'ई।”

यॊहनस 8:20

येसुस धर्मेसी मन्दिर नू सिखाब'अना बारी भंडार एड़पा गुसन इज्‍जस ती इबड़ा कत्‍थन बाचस। लिकिन नॆ हूँ आसिन मल हॆंचर, एन्‍देरगेका अक्‍कु गूटी आसी ठौका बेड़ा मल अंड़सकी रहचा।

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।