यॊहनस 2:23 - पुना गच्छरना NT (BSI)

²³ येसुस कट्टना परब बारी येरुसलॆम नू रहचस ख़ने, ढ़ॆर आलर आसी ती मंजका अजगुत नलख ही चिन्‍हा गुट्ठिन ईरियर ती आसी नू पत्ताचर।

यॊहनस 2:23 ပူးပေါင်းရင်းမြစ်များ

लू‍कस 8:13

जोक्‍क आलर बिहनी खत्रका पखनोरी ख़ॆख़ेल लेक्‍खा हिकनर। आर कत्‍थन मेन्नर ती रिझ्रनुम इंझ्रनर। लिकिन आर तम्‍है जिया नू गड्डी गूटी कत्‍था मल खुपना चड्डे आर जुक्‍किम उल्‍ला गे कत्‍थन पत्त'अनर अरा सस्ती बर'ई ख़ने अदिन लॆम अम्‍बनर।

यॊहनस 11:45

मरियम गने भेंट मना गे बरचका बग्‍गे यहूदीर येसुसी ई नलख नंजकन ईरियर ती आसी मइय्याँ पत्ताचर।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 2:13

यहूदीर ही कट्टना ही परब हेद्दे अंड़सिया ख़ने, येसुस येरुसलॆम केरस।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 4:45

आस गलिलेया नू बरचस ख़ने, गलिलेया ता आलर आसिन परघाचर। एन्‍देरगेका आर कट्टना परब नू येरुसलॆम नू रहचकाचर, अरा येसुस अइय्या नंजका उर्मिन ईरका रहचर।

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

यॊहनस 6:14

येसुसी ई अजगुत नलख ही चिन्‍हन ईरियर ख़ने, आर ब'आ हेलरर, “मानिम ईस ख़ॆख़ेल नू बर'ऊ रहचस आ धर्मेसी कत्‍था तिंगुस हिकदस।”

यॊहनस 6:2

ओन्‍टा कोहाँ गोंहड़ा आसी ख़ॊख़ा कालिया, एन्‍देरगेका आस रोगियारिन कोड़े नंजस ती अजगुत नलख ही चिन्‍हा ऎदकाचस, अदिन आर ईरका रहचर।

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।