2 येसुस अरा आसी चेलर हूँ आ बेंजा नू एड़रका रहचर।
आस नग्गा मल नख्र'ओस महले रिरयार'ओस मला महले बजार गुट्ठी नू नॆ हूँ आसी कत्थन पोल्लोर मेना।
होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्है सन्नी ती सन्नी भइय्योर नॆखअम गने नंजकर अदिन एंग्है गनेम नंजकर।’
आ बारी ऎन बॆलन किर्त'अर ब'ओन, ‘ऎन निमन मानिम ब'अदन का नीम इबड़ा सन्नी ती सन्नीर गने नॆखअम संगे मल नंजकर, अदिन एंग्है गने हूँ मल नंजकर।’
इदही ख़ॊख़ा येसुस तंग्यो अरा तंग्है भईर अरा तंग्है चेलर गने कफरनहूम नगरे केरस, अरा असन आर जोक्क उल्ला रहचर।
ख़ने आर ही चेलर गे “निंग्है एड़पा ही पत्त ता एंग्है चोन्हा एंगा नू चिच्ची बेसे ऊली” एन्ने नेम्हा पुथी नू लिख्रका कत्था सुरता बरचा।
येसुसी ई बाचका कत्था येसुस केचका ती उज्जा चॊचका ख़ॊख़ा आसी चेलर गे सुरता बरचा। अरा आर नेम्हा पुथिन अरा येसुसी बाचका कत्थन पत्ताचर।
अंगुर रासी मुंज्रा ख़ने, येसुसी तंग्यो आसिन बाचा, “ईर ही गुसन अंगुर रासी मुंज्रा।”
इदही ख़ॊख़ा येसुस अरा आसी चेलर यूदेया चकभार नू बरचर। असन आस जोक्क उल्ला आर गने रहचस, अरा आलारिन नॊड़रत'आ लगियस।
ख़ने चेलर ताम तामिम कछनख्र'आ हेलरर, “ईस गे नीकईम इन्द्रिइम ओन्ना-मॊख़ना चिच्का र'ओर दने का?”
आर उड़चर केरर ख़ने, आस चेलारिन बाचस, “बछ्रका कुटकन सकल'आ का ओन्टा हूँ अम्बो नठार'आ।”
पुत्तिया ख़ने येसुसी चेलर परता ती इत्तियर ती समुदर ही पिंडी नू केरर।
इदन मेंजर ती आसी बग्गे चेलर बाचर, “ई सिखाब'अना बुझुर'आ गे नगदे मसकिल र'ई, एकासे ओर्तस इदन इंझ्र'आ ओंग्दस?”
इदही ख़ॊख़ा येसुसी बग्गे चेलर पछली किर्रियर अरा आसी गने चॊंख़्रनन अम्बियर।
औंगे येसुस अबड़ा बरियो चेलर ती मेंजस, “नीम हूँ अम्बा बेद्ददर का?”
फेन येसुस आरिन बाचस, “ऎन नीम बरियोरिन चज्जिकन, अन्नु हूँ निम्है ती ओर्तोस मलदौ आलस हिकदस।”
आस सिमॊन इसकारियॊतसी तंग्दस यूदसी पत्त नू एन्ने बाचस। आस अबड़ा बरियोर ती ओर्तोस रहचस, अन्नु हूँ आस दिम येसुसी बिड़दो नू पपहर गे संगे चिच्चस।
आसी चेलर ती ओर्तोस, सिमॊन पतरसी भइय्योस अन्द्रेयस आसिन बाचस,
औंगे येसुसी भईर आसिन बाचर, “ई अड्डन अम्बा ती यूदेया कला, होले नीन ननू निंग्है अजगुत नलखन असन निंग्है चेलर ऎरा ओंगोर।
अरा आसिन बिद्दियस ती अन्तियोख़ेया ओन्द्रस। अबड़र इरबारिम ओन बछर गूटी अइय्या ता कलीसिया नू रहचर ती नगदे बग्गे आलारिन सिखाब'आ लगियर। अरा अन्तियोख़ेया नू उर्मी ती मुन्द पत्त'ऊ आलर मसीर बातारर।
तहाँ पत्त'ऊ आलर यूदेया राजी ता भइय्योर ही सहाड़ा गे ओर्मर तम्है ओंगना लेक्खा रुपया तइय्या गे सलहा मंजर।
औंगे नीम ओनोर महले मॊख़ोर महले इन्द्रिइम ननोर, उर्मिन धर्मेसी महबा गे नना।
मुक्का एका गूटी तंग मॆतस उज्जालदस आ गूटी आद आस ती हींरकी र'ई। लिकिन अदही मॆतस खे'अदस होले, आद उर्बस नू र'ऊ नॆकानिम तंग्है मने लेक्खा बेंज्र'आ उंगी।
अरा कत्था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्यवाद नन्नुम अबड़न नना।
बेंजा ओर्मर ती मईन जॊगे बुझुरना र'ई। मॆतस अरा मुक्का ओर्त ओर्त गने पत्त'अना जॊगे र'अना र'ई। एन्देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।
ऎरा, ऎन बली मुन्दहारे इज्जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्है गने ओनोस मॊख़'ओस।
